ۆيتسە-مينيستر يپوتەكا قانشا پايىزعا تومەندەيتىندىگىن ايتۋدان قورىقتى

استانا. قازاقپارات - قازاقستاندا يپوتەكا پايىزدارىن تومەندەتۋگە باعىتتالعان شارالار ازىرلەنىپ جاتىر.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ينۆەستيتسيالار جانە دامۋ ۆيتسە-ءمينيسترى قايىربەك وسكەنبايەۆ ايتتى، دەپ حابارلايدى قازاقپارات.

«وزدەرىڭىز بىلەسىزدەر، بىلتىر «نۇرلى جەر» باعدارلاماسى ىسكە اسقاندا يپوتەكا 10 پايىزدان اسپاۋى كەرەك دەدىك. ودان اسقان جاعدايدا ۇكىمەت ءوز تاراپىنان ونى سۋبسيديالاۋ مەحانيزمىن ىسكە اسىردى. ول جۇمىس قازىر جاقسى ءجۇرىپ كەلە جاتىر. يپوتەكا سانى ارتۋدا»، - دەدى ول.

ونىڭ دەرەگىنشە، بۇرىن ەكىنشى دەڭگەيلى بانكتەر بەرگەن يپوتەكا سانى 80 پايىزعا جۋىق بولعان، 20 پايىزى ءتۇرعىن ءۇي قۇرىلىس جيناق بانكىنە تيەسىلى. ال وتكەن جىلى تۇرعىن ءۇيقۇرىلىس جيناق بانكى بەرگەن يپوتەكا كولەمى 76 پايىزعا جەتىپ، ەكىنشى دەڭگەيلى بانكتەردە نەسيە 24 پايىزعا تومەندەگەن. وسىعان بايلانىستى ينۆەستيتسيالار جانە دامۋ مينيسترلىگى ەكىنشى دەڭگەيلى بانكتەردىڭ يپوتەكاعا قاراجاتتارىن سالۋى ءۇشىن شارالار قاراستىرىپ وتىر.

«ءبىز يپوتەكا 10 پايىزدان دا ارزان بولسا ەكەن دەپ وتىرمىز. ۇكىمەت قولداپ جاتسا، ونى سىزدەر تاياۋدا ەستيسىزدەر. جالپى، تۇرعىن ءۇي قۇرىلىس جيناق بانكى مەحانيزمدەرىن دە دامىتۋدامىز»، - دەدى ۆيتسە- مينيستر.

وسى رەتتە ول ب ا ق وكىلدەرىنىڭ الداعى ۋاقىتتا يپوتەكا قانشا پايىزبەن بەرىلۋى مۇمكىن دەگەن ساۋالىنا جاۋاپ بەرە المايتىندىعىن اتاپ ءوتتى.

«قازىر مەن سىزدەرگە وسىنشاما پايىزعا تومەندەتىلەدى دەپ ناقتى جاۋابىمدى بەرسەم، ونى ەرتەڭ ارىپتەستەرىم قولدامايتىن شىعار. سودان قورقىپ وتىرمىن. ءبىراق، سۋبسيديالاۋدى كوبەيتەمىز بە دەپ وتىرمىز. سول سەبەپتى بانكتەردىڭ ستاۆكاسى ازايۋى مۇمكىن»، - دەدى قايىربەك وسكەنبايەۆ.