قازاقستانداعى ەڭ ۇلكەن جالاقىنى كىمدەر الادى؟
وتكەن جىلى قازاقستاندىقتاردىڭ ورتاشا ايلىق جالاقىسى 149,7 مىڭ تەڭگەگە جەتكەن.
وتكەن جىلدىڭ سوڭعى توقسانىندا جۇمىس ىستەيتىن ءاربىر قازاقستاندىقتىڭ ورتاشا ايلىق جالاقىسى ورتاشا 163,7 مىڭ تەڭگەنى قۇراعان، بۇل ءبىر جىل بۇرىنعى كورسەتكىشپەن سالىستىرعاندا 5,9 پروتسەنتكە كوپ.
سونىمەن قاتار، ينفلياتسيانى ەسەپكە العاندا جالاقىنىڭ ساتىپ الۋ جارامدىلىعى ءبىر جىل بۇرىنعى كەزەڭمەن سالىستىرعاندا 1,4 پروتسەنتكە قىسقارعان.
قوستاناي جانە اقتوبە وبلىستارىندا ءبىر جىلدا ناقتى جالاقى 2,1 پروتسەنتكە، سايكەسىنشە 138,2 جانە 130 مىڭ تەڭگەگە وسكەن. ال ماڭعىستاۋ وبلىسىندا جالاقىنىڭ ساتىپ الۋ جارامدىلىعى بىردەن 8 پروتسەنتكە - 269,6 مىڭ تەڭگەگە دەيىن تومەندەگەن. بۇل جالاقى 1,5 پروتسەنتكە ازايعان جالعىز ءوڭىر.
سونىمەن قاتار وتكەن جىلدىڭ IV توقسانىنىڭ قورىتىندىسى بويىنشا ەلىمىزدە قارجى جانە ساقتاندىرۋ (316,1 مىڭ تەڭگەگە دەيىن، ءبىر جىلدا جالاقى %0,1-عا وسكەن)، عىلىم جانە تەحنيكالىق قىزمەت (303,3 مىڭ تەڭگەگە دەيىن، - %7,3)، سونداي-اق اقپارات جانە بايلانىس (249,3 مىڭ تەڭگەگە دەيىن، %7,4+،) سالالارىندا ەڭ جوعارى جالاقى تولەنگەن.
ورمان ءوسىرۋ جانە اعاش دايىنداۋ (ءبىر جىل ىشىندە بىردەن %17+، 162 مىڭ تەڭگەگە دەيىن) جانە قۇرىلىس (ءبىر جىل ىشىندە %15,7+، 218,1 مىڭ تەڭگەگە دەيىن) سالالارىندا جالاقى كۇرت وسكەن.
تۇتاستاي العاندا، 2017 -جىلدىڭ قاڭتار- جەلتوقسانىنىڭ قورىتىندىسى بويىنشا جۇمىس ىستەيتىن قازاقستاندىقتىڭ ورتاشا ايلىق جالاقىسى 149,7 مىڭ تەڭگەگە جەتىپ، 2016 -جىلمەن سالىستىرعاندا %5,1 عا ارتقان.
