دۋبايدا جۇرگىزۋشىسىز اۋە تاكسيى شىعارىلادى

استانا. قازاقپارات - دۋباي اۋە كەڭىستىگىندە جۋىق ارادا كولىكتىڭ ەرەكشە ءتۇرى - جۇرگىزۋشىسىز باسقارىلاتىن تاكسيلەر پايدا بولادى.

6- بۇكىلالەمدىك ۇكىمەتتىك سامميتتە وسىنداي جوبا تانىستىرىلدى، دەپ حابارلايدى تاسس.

شاراعا 140 ەلدەن كەلگەن 4 مىڭنان استام دەلەگات قاتىسۋدا. تاكسيدىڭ جاڭا ءتۇرىن شىعارۋ باستاماسىن گەرمانيانىڭ Volocopter كومپانياسىنا ىنتىماقتاستىق جاساۋدى ۇسىنعان دۋباي جول جانە كولىك باسقارماسى كوتەردى.

جوبا اۆتورلارىنىڭ ايتۋىنشا، دۋبايدىڭ اۋە تاكسيلەرى - كولىكتىڭ ەكولوگيالىق تازا ءتۇرى. ول ەلەكترمەن جۇمىس ىستەيتىن بولادى. جوباعا سايكەس، ۇشۋ ۇزاقتىعى 30 مينۋتتان، جىلدامدىعى ساعاتىنا 100 كيلومەتردەن، ال بيىكتىگى 2 مىڭ مەتردەن اسپايدى.

اۋە تاكسيلەرىن شىعارۋ دۋباي بيلىگىنىڭ قوعامدىق ومىرگە سونى تەحنولوگيالاردى ەنگىزۋ جونىندەگى اۋقىمدى جوسپارىنىڭ قۇرامداس بولىگى بولماق.

بۇدان بۇرىن ب ا ءا پرەمەر-ءمينيسترى جانە دۋباي ءامىرى شەيح مۇحاممەد بين ءراشيد ءال- ماكتۋم 2030 -جىلعا قاراي قالاداعى وزدىگىنەن جۇرەتىن كولىك قۇرالدارى %25 عا جەتەتىنىن مالىمدەگەن بولاتىن.