سەمەيدە جىلۋعا قارىز بورىشكەرلەرگە «جازا» قولدانىلدى

سەمەي. قازاقپارات - سەمەيدە تۇتىنۋشىلاردىڭ جىلۋ ءۇشىن قارىزدارىن جيناۋ ماقساتىندا بورىشكەرلەرمەن كۇرەس كۇشەيتىلۋدە، دەپ حابارلايدى قازاقپارات.

بۇگىن «شىعىس ەنەرگوترەيد» مەكەمەسىنىڭ قىزمەتكەرلەرى سوت شەشىمى شىققان 50 ابونەتتى(پايدالانۋشىنى - رەد.) جارىقتان اجىراتتى.

ءۇش جىل بۇرىن سەمەي قالاسى اكىمى ەرماك ءسالىموۆتىڭ باستاماسىمەن «شىعىس ەنەرگوترەيد» جانە «جىلۋكوممۋنەنەرگو» مەكەمەسى باسشىلارىمەن بىرگە ەكى مەكەمە قىزمەتى ءۇشىن قوماقتى قارىزى بار تۇرعىندارمەن ماسەلەنى شەشۋ ماقساتىندا ارنايى جوبا جاسالعان بولاتىن. بۇگىنگى كۇنى جوبا اياسىندا بورىشكەرلەرمەن كۇرەس كۇشەيتىلۋدە. سەبەبى، بىرنەشە جىل العان كوممۋنالدىق قىزمەتى ءۇشىن قارىزىن قايتارۋعا اسىقپايتىن تۇرعىندار كوپ.

قازىردە جىلۋ بەرۋ مەكەمەسى بورىشكەرلەر ءىسىن سوتقا بەرىپ، ءتىپتى سول ارقىلى مۇلىك تاركىلەۋگە دەيىن بارۋدا. ال بۇگىنگى رەيد بارىسىندا سوتتىڭ شەشىمى شىققان 50 بورىشكەر ابونەت ەلەكتر جارىعىنان اجىراتىلدى.

«قازىرگى كەزدە سەمەي قالالىق سوتىندا 130 ميلليون تەڭگەدەن اساتىن سوماعا 2500 ءىس ورىندالۋ ۇستىندە. بۇل فاكتى بويىنشا جەكە سوت ورىنداۋشىسى مەن «ۆ ك ر ە ك» قىزمەكەرلەرىنىڭ قاتىسۋىمەن رەيدتىك ءىس- شارالار جۇرگىىلۋدە. وسىلاي كۇشتەپ قايتارماساق ەرىكتى تۇردە كەلىپ قارىز تولەيتىن تۇرعىندار جوق. بورىشكەرلەردى ەلەكتر ەنەرگياسى جەلىسىنەن اجىراتۋ كاجەتتى شارا بولىپ وتىر»، - دەدى «جىلۋكوممۋنەنەرگو» وتكىزۋ باسقارماسى باسشىسى گاۋھار جەتپىسبايەۆا.

اتالعان شەشىم سوت تالقىلاۋلارى اياسىندا قابىلداندى.

«بۇعان دەيىن بورىشكەر تۇرعىندار جىلۋدان اجىراتىلعان. ءبىراق ولاردان قۋلىق ارىلمايدى. ويتكەنى كورشىلەرى ارقىلى جىلۋدى زاڭسىز تارتىپ الاتىندار بار»، - دەيدى ماماندار.

سوندىقتان ەلەكتر جارىعىنان اجىراتۋعا ءماجبۇر. ەندى تۇرعىندار جارىقتى قوسۋ ءۇشىن الدىمەن جىلۋدىڭ اقىسىن جانە سوت ورىنداۋشىلاردىڭ شىعىنىن تولەۋى ءتيىس.

بۇگىنگى كۇنى تۇرعىندار اراسىنداعى ەڭ كوپ قارىز مولشەرى 400 مىڭ تەڭگە.

 

شىنار عالىمبەك قىزى