ماڭعىستاۋدا تەڭىز سۋىن تۇشىلاندىراتىن زاۋىت سالىنادى
بۇل تۋرالى ماڭعىستاۋ وبلىسىنىڭ اكىمى ەرالى توعجانوۆ ءمالىم ەتتى، دەپ حابارلايدى قازاقپارات.
وبلىس اكىمى باسپا ءسوز قىزمەتىنىڭ مالىمەتىنشە، ەرالى توعجانوۆ وسى اۋدانعا جۇمىس ساپارى بارىسىندا «GFM قازاقستان» ج ش س بازاسىنداعى ترەنينگ ورتالىعىنىڭ جانە اۋداندىق جۇمىسپەن قامتۋ ورتالىعىنىڭ «Open Space» جاڭا فورماتتاعى جۇمىسىمەن تانىسقان. سونداي-اق اۋدان اكىمىنىڭ م. ا. قىدىربەردى بەكوۆتىڭ 2017 -جىلى اتقارعان جۇمىستارى جانە العا قويعان مىندەتتەرى تۋرالى حالىق الدىندا بەرگەن ەسەبىن تىڭدادى.
«بيىل اۋداندا 27 قۇدىق قازۋ جوسپارلانىپ وتىر. اققۇدىق اۋىلىندا جاڭبىر سۋىن جيناۋعا ارنالعا 5 مىڭ تەكشە مەترلىك توعان قۇرىلىسىن سالۋعا جوبالىق- سمەتالىق قۇجاتتاماسى جاسالۋدا»، - دەدى قاراقيا اۋدانى اكىمىنىڭ م. ا. قىدىربەردى بەكوۆ.
اۋداندا قۇرىلىس جۇمىستارىنىڭ كولەمى 2017 -جىلى 50 ميلليارد تەڭگەگە جەتتى. بۇگىنگى كۇنى قۇرىق پارومدىق كەشەنى ارقىلى بارلىعى 1475830 توننا جۇك تاسىمالداندى (يمپورت 593348 تەڭگە، ەكسپورت - 882482 تەڭگە). سونىمەن قاتار، 28 جۇك اۆتوكولىگىمەن 584,7 توننا جۇك ەكسپورتتالدى.
«قاراقيا اۋدانىندا مەملەكەتتىك- جەكەشەلىك ارىپتەستىك باعدارلاماسى شەڭبەرىندە قۇرىق اۋىلى تەڭىز جاعالاۋىنان تاۋلىگىنە 50 مىڭ تەكشە مەترگە دەيىن سۋ تۇشىتاتىن زاۋىت قۇرىلىسىن سالۋدى جوسپارلاپ وتىرمىز. جوبانىڭ ارقاسىندا 450 جاڭا جۇمىس ورىنى پايدا بولادى جانە اۋدانداعى اۋىز سۋ مەن تەحنيكالىق سۋ ماسەلەسى تولىق شەشىمىن تاباتىن بولادى. جوبا قۇنى - 50,0 ميلليارد تەڭگە. وبلىس اكىمنىڭ ءبىرىنشى ورىنباسارى سەرىك امانعاليەۆكە، وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىعى باسقارماسىنا وسى ماسەلەنى تۇبەگەيلى شەشۋدى تاپسىرامىن»، - دەدى وبلىس اكىمى ەرالى توعجانوۆ.
