سارسەنبىدە قازاقستاندا قار جاۋىپ، بۇرقاسىن بولادى

استانا. قازاقپارات - قازگيدرومەت 14 -اقپانعا ارنالعان اۋا رايى بولجامىن جاريالادى، دەپ حابارلايدى قازاقپارات.

وڭتۇستىك تسيكلوننىڭ وتۋىنە بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى، كەي جەرلەردە قار جاۋادى، وڭتۇستىكتە كەي جەرلەردە قاتتى، جەلدىڭ كۇشەيۋى كۇتىلەدى. كەي جەرلەردە بۇرقاسىن، تۇمان، كوكتايعاق بولادى.

الماتى، جامبىل، وڭتۇستىك قازاقتان وبلىستارىنىڭ كەي جەرلەرىندە تۇمان، كوكتايعاق، بۇرقاسىن بولىپ، جەلدىڭ جىلدامدىعى 15-20، كەي جەرلەردە 23-30 م/س دەيىن كۇشەيەدى.

ماڭعىستاۋ، باتىس قازاقستان، قوستاناي وبلىستارىنىڭ كەي جەرلەرىندە تۇمان بولادى. اقمولا، سولتۇستىك قازاقستان، قاراعاندى، پاۆلودار، شىعىس قازاقستان وبلىستارىنىڭ كەي جەرلەرىندە بۇرقاسىن، تۇمان، جەل 15-20 م/س كۇشەيەدى.