ۇ ب ت- دا تانىمال تۇلعالار تۋرالى سۇراق بولمايدى
ورتالىق باسشىسىنىڭ ايتۋىنشا، ۇ ب ت فورماتى وزگەرمەيدى جانە تەست تاپسىرمالارىنىڭ بازاسى 50 پايىزعا جاڭارتىلعان.
«بيىلعى ۇ ب ت وتكەن جىلعىداي بەس ءپان بويىنشا: ءۇش مىندەتتى جانە ەكى تاڭداۋ ءپانى بويىنشا وتەدى. مىندەتتى پاندەر اراسىندا ماتەماتيكالىق ساۋاتتىلىق، وقۋ ساۋاتتىلىعى جانە قازاقستان تاريحى پاندەرى بار.
تەست تاپسىرمالارىنىڭ بازاسى 50 پايىزعا جاڭارتىلدى. 2017 -جىلى بىزدە 80000 تەست تاپسىرمالارى بولسا، بيىل ولاردىڭ سانى 120 مىڭنان اسادى.
ونىڭ شامامەن 11 پايىزى فۋنكسيونالدى ساۋاتتىلىعىن انىقتاۋعا باعىتتالسا، شامامەن 37 پايىز تەست تاپسىرمالارىنىڭ ءبىر نەمەسە بىرنەشە دۇرىس جاۋابى بار. بۇل ءوز ءپانىن تەرەڭىرەك تۇسىنۋگە جانە قۇر جاتتاپ قانا قويماي، ويلانۋعا مۇمكىندىك بەرەدى، - دەدى رامازان ءالىمقۇلوۆ ق ر ب ع م القاسىنىڭ كەڭەيتىلگەن وتىرىسى اياسىندا جۋرناليستەرگە بەرگەن سۇحباتىندا.
سونداي- اق، رامازان ءالىمقۇلوۆ جاڭا ۇ ب ت- دا قازاقستاننىڭ تانىمال تۇلعالارى تۋرالى سۇراقتاردىڭ بولمايتىنىن اتاپ ءوتىپ، ۇ ب ت تاپسىرۋ جاعدايىن جاقسارتۋ بويىنشا وزگەرىستەر ەنگەنىن حابارلادى.
«بۇرىنعى ەرەجە بويىنشا مەكتەپ تۇلەگى بەلگىلى ءبىر سەبەپتەرمەن تەستىلەۋگە قاتىسا الماسا، كەلەسى جىلعا قالدىرىلاتىن. 2018 -جىلى بەلگىلى ءبىر سەبەپتەرمەن تەستىلەۋگە قاتىسا الماعان وقۋشىنىڭ قابىلداۋ كوميسسياسىنىڭ رۇقساتىمەن ءوز ايماعىنداعى كەلەسى لەكپەن تاپسىرا الۋى ءۇشىن جۇمىس ىستەپ جاتىرمىز»، - دەدى ر. ءالىمقۇلوۆ.
اۆتور: ايجان سەرىكجان قىزى
