قازاقستاننىڭ مەملەكەتتىك سىرتقى قارىزى قانشا

استانا. قازاقپارات - قازاقستاننىڭ مەملەكەتتىك قارىزدار دەڭگەيى ەرەكشە باقىلاۋعا الىناتىن بولادى. بۇل تۋرالى بۇگىن ق ر ۇكىمەتىنىڭ وتىرىسىندا ق ر ۇلتتىق ەكونوميكا ءمينيسترى تيمۋر سۇلەيمەنوۆ ءمالىم ەتتى، دەپ حابارلايدى قازاقپارات.

«مەملەكەتتىك قارىزدار دەڭگەيى ەرەكشە باقىلاۋعا الىناتىن بولادى. قازىرگى ۋاقىتتا مەملەكەتتىك قارىزدىڭ، ياعني ۇكىمەت، ۇلتتىق بانك جانە جەرگىلىكتى بيۋدجەتتەردىڭ جيىنتىق مەملەكەتتىك بورىش 13,5 تريلليون تەڭگەنى (40,6 ميلليارد ا ق ش دوللارى) نەمەسە جالپى ىشكى ءونىمنىڭ 26 پايىزىن قۇرادى. بۇل قاۋىپسىز دەڭگەي. ال 2022 -جىلعا دەيىنگى الەۋمەتتىك- ەكونوميكالىق دامۋ بولجامىنا سايكەس ول 23,7 پايىزعا دەيىن قىسقارادى»، - دەدى ول.

سونىمەن قاتار ول قازاقستاندا ۇلتتىق قوردىڭ ۆاليۋتا قاراجاتىن پايدالانۋ تۇجىرىمداماسى اياسىندا كوۆەنانت بار ەكەندىگىن اتاپ ءوتتى.

«قازىرگى ۋاقىتتا كوۆەنانت 97,5 پايىزدى قۇرايدى. سوندىقتان بۇل ماسەلە ءبىزدىڭ باقىلاۋىمىزدىڭ اياسىندا تۇر. ءبىز ءبىرىنشى كەزەكتە ۆەدومستۆوارالىق كوميسسيا تۋرالى ەرەجەنى ازىرلەدىك. ول كۆازيمەملەكەتتىك سەكتور سۋبەكتىلەرىنىڭ سىرتقى قارىزىنىڭ شەكتى كولەمىن ايقىندايتىن بولادى. بۇگىندە ول ادىلەت مينيسترلىگىنىڭ قاراۋىندا جاتىر جانە تاياۋ ارالىقتا ۇكىمەت كەڭسەسىنە ەنگىزىلەدى. سوعان سايكەس اعىمداعى جىلدىڭ ىشىندە كۆازيمەملەكەتتىك سەكتورلىڭ بارلىق سۋبەكتىلەرمەن ولاردىڭ سىرتقى قارىزدارىن كولەمىن كەلىسۋ بولىگىندە جۇمىستار جۇرگىزىلەدى» ، - دەدى تيمۋر سۇلەيمەنوۆ.

اۆتور: مارلان جيەمباي