ءتورتىنشى مۇناي- وڭدەۋ زاۋىتى بويىنشا جول كارتاسى وسى اپتادا ۇسىنىلادى

استانا. قازاقپارات - قازاقستاندا ءتورتىنشى مۇناي- وڭدەۋ زاۋىتىنىڭ قۇرىلىسى بويىنشا جاڭا جۇمىس توبى قۇرىلۋدا. بۇل تۋرالى بۇگىن وتكەن ۇكىمەت وتىرىسىندا ق ر ەنەرگەتيكا ءمينيسترى قانات بوزىمبايەۆ ءمالىم ەتتى،

 دەپ حابارلايدى «قازاقپارات» ح ا ا ءتىلشىسى.

 «ۇكىمەتتىڭ كەڭەيتىلگەن وتىرىسىنداعى تاپسىرمالارعا سايكەس، كەلەسى سۇراقتار پىسىقتالدى. ءبىرىنشى ءتورتىنشى م ءو ز قۇرىلىس بويىنشا (...) حالىقارالىق ساراپشىلار مەن مەملەكەتتىك ورگانداردىڭ وكىلدەرىنىڭ قاتىسۋىمەن بۇرىن قۇرىلعان جۇمىس توبى م ءو ز- دەردىڭ جاڭعىرۋىنان كەيىنگى اۆتوبەنزين، ديزەلدىك وتىن جانە اۋە كەروسين ءوندىرىسى بويىنشا تۇتىنۋ بولجامىنىڭ تولىق تالداۋىن جاسادى.

جۇمىس قورىتىندىسى بويىنشا م ءو ز- دەردىڭ جاڭعىرۋىنان كەيىنگى جانار- جاعارماي ءوندىرىسىنىڭ ۇلعايۋى، ىشكى نارىقتى تولىعىمەن قامتۋى ورتا مەرزىمگە عانا جەتىلمەك. بولجامدى تۇتىنۋشىلىقتى ەسەپكە العاندا اۆتوبەنزين تاپشىلىعى 2021-2013 -جىلدارى، ديزەلدىك وتىن 2023 -جىلعا قاراي، اۋە كەروسينىنىڭ تاپشىلىعى 2026 -جىلعا قاراي پايدا بولۋى مۇمكىن»، - دەدى مينيستر.

«م ءو ز- ءدىڭ قۇرىلىسى مەن قارجىلاندىرۋ نۇسقالارى، مەرزىمدەرى، الەۋەتتى ينۆەستورلارمەن كەلىسسوز جۇرگىزۋ ءۇشىن جاڭا جۇمىس توبى قۇرىلۋدا. جۇمىس توبىنىڭ ءتيىستى جول كارتاسى ازىرلەنەدى. ونى ءبىز 15 - اقپاندا ۆەدومستۆو ارالىق كوميسسيانىڭ وتىرىسىندا بەكىتۋگە ۇسىنامىز».

 ەسكە سالا كەتسەك، قازاقستان پرەزيدەنتى نۇرسۇلتان نازاربايەۆ 9 - اقپان كۇنى ۇكىمەتتىڭ كەڭەيتىلگەن وتىرىسىندا قازاقستاندا ءتورتىنشى مۇناي وڭدەۋ زاۋىتىن سالۋعا قاتىستى شەشىم قابىلداۋدى جەدەلدەتۋ قاجەتتىگىن ايتقان بولاتىن.

 9 - اقپان كۇنى وتكەن ۇكىمەتتىڭ كەڭەيتىلگەن وتىرىسىندا ۇكىمەتكە ءتورتىنشى م ءو ز- ءدى سالۋ شەشىمىن جەدەلدەتۋ تاپسىرىلعان بولاتىن.

اۆتور: ايان بەكەن ۇلى