بولاشاق ۇرپاققا قارجى جيناقتاۋ ساياساتىنا ورالامىز - قارجى ءمينيسترى
ءمينيستردىڭ ايتۋىنشا، ۇكىمەتتىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازاربايەۆ بيۋدجەت تۇراقتىلىعىن قامتاماسىز ەتۋدى تاپسىردى. رەسپۋبليكالىق بيۋدجەت تۇراقتىلىعى ءبىرىنشى كەزەكتە مەملەكەتتىك بورىشتىڭ ماكروبولجامدارىن جانە تۇراقتى كولەمىن ەسكەرە وتىرىپ، كىرىستەر تۇسىمدەرى بويىنشا جوسپارلاردى ورىنداۋ ارقىلى قامتاماسىز ەتىلەتىن بولادى.
«ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى مەملەكەت باسشىسىنىڭ جولداۋىن ىسكە اسىرۋدى قارجىلىق قامتاماسىز ەتۋ رەسپۋبليكالىق بيۋدجەتتى ناقتىلاۋ بارىسىندا اعىمداعى جىلعى كوكتەمدە ىسكە اسىرىلادى. ۇلتتىق قوردىڭ شىعىنسىز جۇمىس ىستەۋ نۇكتەسىنە ءبىر جىل بۇرىن ورالۋدى بولجاپ وتىرمىز. ياعني 2019 -جىلى بولاشاق ۇرپاق ءۇشىن قاراجات جيناقتاۋ ساياساتىنا ورالامىز. بۇل كەپىلدىك بەرىلگەن ترانسفەرتتى كەزەڭ- كەزەڭىمەن قىسقارتۋ (2020 -جىلى 2 تريلليون تەڭگەگە دەيىن) جانە 2018 -جىلدان باستاپ نىسانالى ترانسفەرت الۋدان باس تارتۋ ەسەبىنەن قامتاماسىز ەتىلەدى»، - دەدى باقىت سۇلتانوۆ.
اۆتور: مارلان جيەمباي
