ءار ۇلتتىڭ برەندى قانداي - شىمكەنتتە كورمە ءوتتى
وبلىستىق قازاقستان حالقى اسسامبلەياسىنىڭ ۇيىمداستىرۋىمەن وتكەن شاراعا كاسىپكەرلىكپەن اينالىسىپ جۇرگەن ءتۇرلى ەتنوس وكىلدەرى قاتىستى. كورمە بارىسىندا كاسىپكەرلەر وزدەرى ءوندىرىپ جاتقان تاۋارلاردى جۇرتشىلىق نازارىنا ۇسىنىپ، بيزنەستەگى تاجىريبەلەرىمەن ءبولىستى.
كاسىپتى اشۋ نەگىزدەرىنە اسىرەسە جۇمىسسىز ازاماتتار مەن ستۋدەنتتەر قاۋىمىنىڭ قىزىعۋشىلىعى جوعارى بولدى. ءىس-شارانىڭ اشىلۋىندا ءسوز العان وبلىستىق قازاقستان حالقى اسسامبلەياسى ءتوراعاسىنىڭ ورىنباسارى مۇرات قالمۇراتوۆ وڭىردەگى ەتنومادەني بىرلەستىكتەر مادەني شارلار وتكىزۋمەن عانا شەكتەلمەي، ايماقتىڭ ەكونوميكالىق الەۋەتىن ارتتىرۋعا زور ۇلەس قوسىپ كەلە جاتقانىن ايتتى.
ەسكە سالايىق، بۇعان دەيىن وسىنداي سايرام اۋدانى، قارابۇلاق اۋىلىنداعى مال بورداقىلاۋ الاڭىنىڭ بازاسىندا جانە وبلىستىق تاجىك ەتنومادەني بىرلەستىگىنىڭ ۇيىمداستىرۋىمەن سارى اعاش اۋدانىنداعى جىلىجاي كەشەندەرىندە وتكەن بولاتىن. سونداي-اق وبلىستىق اسسامبلەيا ديالوگ الاڭىن اشىپ، وڭىردەگى قارجى ينستيتۋتتارى مەن كاسىپكەرلىكتى قولداۋ ۇيىمدارى وكىلدەرىنىڭ كوپشىلىكپەن كەزدەسۋلەرىن ۇيىمداستىرعان ەدى.
