09:21, 13 - اقپان 2018 | GMT +5
جارتى توننالىق بومبا سالدارىنان لوندون اۋەجايى شۇعىل جابىلدى
استانا. قازاقپارات - لوندون- سيتي اۋەجايى سول ماڭدا تەمزا وزەنىندە ەكىنشى دۇنيەجۇزىلىك سوعىس كەزىندەگى بومبانىڭ تابىلۋى سالدارىنان جابىلدى، دەپ حابارلايدى bbc.
دۇيسەنبى كۇنگى بارلىق اۋە رەيستەرى كەيىنگە شەگەرىلدى. British Airways جانە Lufthansa اۋە كومپانيالارىنىڭ قىزمەتىن پايدالاناتىن 16 مىڭ جۇرگىنشى جولدان قالدى.
جارىلماعان سنارياد تەمزا وزەنىندە اۋەجايعا جاقىن جەردە جوبالاۋ- زەرتتەۋ جۇمىستارىن جۇرگىزىپ جاتقاندا تابىلعان. اۋە ايلاعى ماڭايىندا 214 مەترلىك اۋماق جابىلىپ، ونداعى بارلىق ادامدار باسقا جەرگە ورىن اۋىستىردى.
پوليتسيا سەيسەنبىدە تاڭەرتەڭ ۇزىندىعى ءبىرجارىم مەتر، سالماعى جارتى توننالىق بومبانى سۋدان الىپ شىعۋعا ۋادە بەرىپ وتىر.
