سەيسەنبىدە قازاقستاننىڭ ءبىرقاتار ايماقتارىندا جەل كۇشەيەدى
اتموسفەرالىق اۋا اعىندارىنىڭ وتۋىنە بايلانىستى، قازاقستان اۋماعى بويىنشا تۇراقسىز اۋا رايى ساقتالادى، كەي جەرلەردە قار جاۋىپ، جەلدىڭ كۇشەيۋى كۇتىلەدى. قازاقستاننىڭ شىعىسىندا، سولتۇستىك- شىعىسىندا جانە وڭتۇستىك- شىعىسىندا جاۋىن- شاشىنسىز اۋا رايى ساقتالادى. كەي جەرلەردە تۇمان بولىپ، ەلىمىزدىڭ سولتۇستىك- باتىسىندا جاياۋ بۇرقاسىن، وڭتۇستىك- باتىسىندا كوكتايعاق كۇتىلەدى.
الماتى وبلىسىنىڭ جالاڭاشكول اۋدانىندا جەلدىڭ 18-23 م/س كۇشەيۋى ساقتالادى. جامبىل، وڭتۇستىك قازاقستان وبلىستارىنىڭ كەي جەرىندە تۇمان بولىپ، جەل 15-20، ەكپىنى 25 م/س كۇشەيەدى. ماڭعىستاۋ وبلىسىنىڭ كەي جەرلەرىندە تۇمان، تۇندە كوكتايعاق بولادى.
قىزىلوردا، قوستاناي وبلىسىنىڭ كەي جەرلەرىندە تۇمان ءتۇسىپ، جەل كۇشەيەدى. اقمولا، باتىس قازاقستان، سولتۇستىك قازاقستان، پاۆلودار، شىعىس قازاقستان وبلىستارىنىڭ كەي جەرلەرىندە تۇمان بولادى.
