قالا ورتاسىنداعى عارىش كەڭىستىگى

 استانا. قازاقپارات - وڭتۇستىك كورەيادا قىسقى وليمپيادا ويىندارىنىڭ وتكىزىلۋىنە وراي الەمدەگى ەڭ قانىق قارا ءتۇستى عيمارات پايدا بولدى.

پاۆيلون قابىرعالارى Vantablack VBx2 اتالاتىن قويۋ قارا ماتەريالمەن قاپتالعان. بۇل قالا ورتاسىنداعى عارىش كەڭىستىگى ىسپەتتى اسەر قالدىرادى. پاۆيلوندى Hyundai Motors تاپسىرىسى بويىنشا بريتانيالىق ساۋلەتشى اسيف حان جاساعان. ول ارنايى وليمپيادا ويىندارىنىڭ اشىلۋ سالتاناتىنا وراي جوسپارلانعان نارسە بولىپ شىقتى. الەمدەگى ەڭ قانىق قارا ءتۇستى عيمارات ارنايى جابىنى ارقىلى ەرەكشەلەنەدى. قابىرعالارى جارىق، ميكروتولقىندار مەن راديوتولقىنداردىڭ %99,965ىن سىڭىرەتىن Vantablack VBx2 پيگمەنتتەرىمەن وڭدەلگەن كومىرتەكتى نانوباعانالار نەگىزىندە سالىنعان.

 وليمپيادا ويىندارى ءوتىپ جاتقان پحەنچحان قالاسىندا بۇل پاۆيلوندى «قارا داق» دەپ اتاپ كەتكەن. سونىمەن قاتار، پاۆيلوننىڭ قابىرعاسىنا جۇلدىزدارعا ۇقسايتىن جارقىراعان شاعىن شامدار ورنالاستىرىلعان. عيماراتتىڭ بەتى وعان جاقىنداعان سايىن وزگەرىپ وتىرادى. ال، عيماراتتىڭ ىشىندە مۇلدە باسقا ەستەتيكا ورىن العان. قاراڭعى كوريدور اپپاق بولمەگە الىپ كەلەدى.

Massaget.kz