داۋرەن ابايەۆ دۋبايداعى دۇنيەجۇزىلىك ۇكىمەت سامميتىندە ءبىرقاتار كەزدەسۋلەر وتكىزدى
دەپ حابارلايدى «قازاقپارات» ح ا ا.
داۋرەن ابايەۆ پورتۋگاليا، كوستا- ريكا، سلوۆەنيا، مەكسيكا جانە ءباا وكىلدەرىمەن بىرگە II «جاھاندىق باقىت ديالوگى» قىزمەتتىك كەزدەسۋىنە قاتىستى.
كەزدەسۋ بارىسىندا تاراپتار ازاماتتاردىڭ مەملەكەتتىك جانە الەۋمەتتىك قىزمەتتەرگە دەگەن قاناعاتتانۋىن قامتاماسىز ەتۋ ماسەلەلەرى تالقىلاندى. كەزدەسۋگە قاتىسۋشىلار ورنىقتى دامۋ ماقساتتارىن جانە ب ۇ ۇ- نىڭ 65/309 قارارىن (باقىت: تۇتاستىق ءتاسىلى) جۇزەگە اسىرۋعا كوپجاقتى تاسىلدەردى كۇشەيتۋ قاجەتتىگىن قولدادى.
كەزدەسۋدىڭ جەكە بلوگى جاساندى ينتەللەكت پەن جاھاندىق سيفرلاندىرۋعا قاتىستى بولاشاقتىڭ سىن- تەگەۋرىندەرىنە ارنالدى.
كەزدەسۋ سوڭىندا تاراپتار التى مەملەكەتتىڭ: كوستا- ريكا، پورتۋگاليا، سلوۆەنيا، قازاقستان، ب ا ءا جانە مەكسيكا ەلدەرىنىڭ «باقىت كواليتسياسى» باستاماسى تۋرالى مەموراندۋمىنا قول قويدى.
سونداي- اق، داۋرەن ابايەۆ ب ا ءا باقىت جانە ساۋلىق ىستەرى بويىنشا مەملەكەتتىك ءمينيسترى وحۋد ال رۋميمەن ەكىجاقتى كەزدەسۋ وتكىزدى. تاراپتار اقپاراتتىق- كوممۋنيكاتسيالىق تەحنولوگيالار جانە سيفرلىق قىزمەت كورسەتۋ سالاسىندا بىرلەسكەن جوبالاردى دامىتۋ بويىنشا ناقتى تۇلعالاردى انىقتاۋ تۋرالى كەلىسىم جاسادى.
بۇدان بولەك، تاياۋ ارادا مەملەكەتتىك قىزمەت كورسەتۋ سالاسىندا ىنتىماقتاستىق كەلىسىمىنە قول قويۋ تۋرالى كەلىسىمگە قول جەتكىزىلدى.
بيىل 10-14 - اقپان ارالىعىندا دۋبايدا جىل سايىنعى دۇنيەجۇزىلىك ۇكىمەت سامميتى ءوتىپ جاتىر. ءىس- شارا «ۇكىمەتتىڭ بولاشاعىن وزگەرتۋ» ۇرانىمەن وتۋدە. VI دۇنيەجۇزىلىك ۇكىمەت سامميتى ءىرى جاھاندىق پلاتفورما بولىپ تابىلادى.
