قورعاستاعى ساۋدا دۇڭگىرشەكتەرىنىڭ كوپشىلىگى ۋاقىتشا جابىلادى

استانا. قازاقپارات - قىتايداعى شىعىس كۇنتىزبەسى بويىنشا جاڭا جىل مەرەكەسىنە بايلانىستى قورعاس بەكەتىندەگى ساۋدا نۇكتەلەرى ۋاقىتشا جابىلادى، دەپ حابارلايدى «قازاقپارات» ح ا ا.

«قورعاس» شەكارا ماڭى ىنتىماقتاستىق حالىقارالىق ورتالىعىندا قىتايداعى شىعىس كۇنتىزبەسى بويىنشا جاڭا جىل مەرەكەسىنە بايلانىستى 2018 -جىلدىڭ 11 -اقپانىنان 25 -اقپانعا دەيىن ساۋدا نۇكتەلەرىنىڭ كوبى جۇمىسىن توقتاتادى.

قىتاي جاعىنداعى ساۋدا ۇيلەرىنىڭ جۇمىسى ۋاقىتشا توقتاتىلادى.

سونىمەن قاتار قازاقستان رەسپۋبليكاسىنىڭ مەملەكەتتىك شەكاراسى ساعات 07:00 دەن 19:00 گە دەيىن شتاتتىق رەجىمدە جۇمىس ىستەيتىن بولادى.