جىلدام ۇيىقتاپ، جاقسى تىنىعۋدىڭ ءۇش ءتاسىلى

استانا - جاقسى ۇيقى - جاقسى دەنساۋلىقتىڭ كەپىلى. الايدا ۇنەمى جاقسى ۇيىقتاۋعا مۇمكىندىك بولمايدى.

ونىڭ سەبەبى كوپ. كۇيزەلىس، قاتتى شارشاۋ، ىشىمدىك جانە ت. ب. جاستىققا باسىڭىز تيە سالا تەز ۇيىقتاۋ جانە ساپالى ۇيىقتاۋ ءۇشىن بىرنەشە ءتاسىلدى ءبىلۋ كەرەك. نازار اۋدارىڭىز

تەرەزەنىڭ قاسىندا جۇمىس ىستەڭىز

عالىمدار كۇنى بويى تەرەزە جانىندا وتىرىپ، تابيعي جارىقتىڭ استىندا جۇمىس ىستەيتىن ادامداردىڭ 46 مينۋت ۇزاق ءارى جاقسى ۇيىقتايتىنىن انىقتاعان. سونداي-اق تەرەزە جانىندا وتىرىپ ۇيىقتايتىن ادام وزگەلەرگە قاراعاندا ءونىمدى ەڭبەك ەتەدى.

اياعىڭىزدى كورپەدەن شىعارىپ جاتىڭىز

ساراپشىلار ادامنىڭ كورپەدەن اياقتى شىعارىپ جاتقاندا جىلدام ءارى جاقسى ۇيىقتايتىنىن ايتادى. ويتكەنى دەنە تەمپەراتۋراسى ادامنىڭ ۇيىقتاۋىنا كوپ اسەر ەتەدى. ادام ۇيىقتاعان كەزدە، اسىرەسە قالىڭ ۇيقىدا جاتقان كەزدە دەنە تەمپەراتۋراسى تومەندەيدى.

تەزىرەك ۇيىقتاۋ ءۇشىن دەنە جىلى ۆاننا قابىلداپ نەمەسە ىستىق شاي ءىشىپ، نەمەسە اياقتى كورپەدەن شىعارىپ جاتىپ، ماقساتتى تۇردە دەنە تەمپەراتۋراسىن تۇسىرۋگە بولادى.

«پلاتسەبو ەففەكتىسىن» پايدالانىڭىز

كولورادو كوللەدجىنىڭ عالىمدارى قىزىقتى ەكسپەريمەنت(سىناق) جۇرگىزگەن. ولار زەرتتەۋگە قاتىسۋشىلارعا ۇيقى ساپاسىنىڭ نورمادان «جوعارى» جانە «تومەن» بولاتىنىن ايتقان. سودان كەيىن ولارعا كوننيتيۆتى قابىلەتتەرىن كورسەتەتىن تەستتەن وتۋگە كەڭەس بەرگەن. ناتيجەسىندە عالىمداردىڭ ايتقانىنا سەنگەن ادامدار ورتاشا %44 العان. ال ءوزىن تولىقتاي جاقسى ۇيىقتاپ تۇردىم دەگەندەر %70 العان. ءبىراق ەكى توپتاعى ادامدار دا بىردەي ۇيىقتاعان. سول سەبەپتى ۇيقىدان تۇرعاندا وزىڭىزگە جاقسى دەمالعانىڭىزدى جانە الداعى كۇننىڭ ءونىمدى بولاتىنىن ايتىڭىز.

 

دەرەككوز: نوۆوە ۆرەميا