مينيستر ارىستانبەك مۇحامەدي ۇلى يۋليا گالىشەۆانى قۇتتىقتادى
«ءسىزدى XXIII قىسقى وليمپيادا ويىندارىنىڭ التىنعا بەرگىسىز قولا مەدالىمەن قۇتتىقتايمىن. الەمنىڭ ەڭ مىقتى دەگەن سپورتشىلارىمەن سايىسقا ءتۇسىپ، ەل نامىسىن قولدان بەرمەدىڭىز. ءوزىڭىزدىڭ جارقىن جەڭىسىڭىزبەن سپورتسۇيەر قاۋىمدى ءبىر سەرپىلتىپ تاستادىڭىز. قازاق ەلى ءسىزدى ماقتان تۇتادى! جەڭىستى جولىڭىز جالعاسىن تاپسىن. سىزگە الداعى ۋاقىتتا دا مول تابىس تىلەيمىن».
سونداي-اق، مينيستر ءوزىنىڭ Facebook الەۋمەتتىك جەلىسىندەگى پاراقشاسىندا قازاقستاندىقتاردى العاشقى مەدالىمەن قۇتتىقتادى.
ايتا كەتەيىك، يۋليا گالىشەۆا 77.40 ناتيجەسىمەن وليمپيادانىڭ قولا مەدالىن جەڭىپ الدى. ەكىنشى ورىندى كانادالىق جيۋستين- ديۋفور- لاپونت يەلەنسە، التىن فرانسۋزدىق سپورتشى پەررين لاففونتتىڭ ەنشىسىندە.
ەستەرىڭىزگە سالايىق، بۇل قازاقستاندىق فريستايل تاريحىنداعى العاشقى وليمپيادا مەدالى.
