قازاق فيلم مۇگەدەك بويجەتكەن تۋرالى فيلمنىڭ ترەيلەرىن جاريالادى - كەسكىن
ق ر مادەنيەت جانە سپورت مينيسترلىگىنىڭ تاپسىرىسى بويىنشا تۇسىرىلگەن بۇل فيلمدى قوس اۆتور ءازيزجان زايروۆ پەن مۇحامەد مامىربەكوۆ ۇسىندى.
«قىز بەن تەڭىز» فيلمىنىڭ نەگىزى ومىردەن الىنعان. باس كەيىپكەر بولعان بويجەتكەن - اردي مۇمكىندىگى شەكتەۋلى بالالارى بار اتا-انالار اسسوسياتسياسىنىڭ وڭالتۋ ورتالىعىنىڭ تاربيەلەنۋشىسى دينارا ءشارىپوۆا. اقجارقىن، ەڭبەكقور، كومەك قولىن ءاردايىم سوزۋعا دايىن تۇراتىن دينارا وتە وجەت ادام. ونىڭ فيلمدەگى ەسىمى اسەل. ونىڭ بار ارمانى - ماحابباتىن كەزدەستىرىپ، وتباسىن قۇرۋ جانە بالا ءسۇيۋ.
«فيلمنىڭ تۇسىرىلىمدەرى الماتى قالاسىندا جانە قاپشاعاي جاعالاۋىندا وتكەن. فيلمگە تۇسكەندەردىڭ بارلىعى دەرلىك كاسىبي اكتەرلەر ەمەس، مۇمكىندىگى شەكتەۋلى ادامدار (ب ت س پ دياگنوزى جانە پسيحيكالىق دامۋ كەشەۋىلدەۋى بار). ال باس كەيىپكەردىڭ اپكەسى رولىنە تەاتر جانە كينو اكتريساسى گۇلباحرام بايبوسىنوۆا تۇسكەن»، - دەپ حابارلايدى كينوستۋدنيانىڭ باسپا ءسوز قىزمەتىنەن.
فيلمنىڭ مازمۇنى شىنايى ومىردەن الىنعان. ءوزىنىڭ جازىلمايتىن اۋرۋىنا قاراماستان، اسەل ەسىمدى بويجەتكەن وتباسىن قۇرىپ، انا اتانۋ ءۇشىن ءومىردىڭ بار قيىنشىلىعىنا كونۋگە دايىن. «ارمان العا جەتەلەيدى» دەمەكشى، اسەل بارلىق قيىندىقتارعا توتەپ بەرىپ، جاقسىلىقتان ءۇمىت ۇزبەيدى.
فيلمنىڭ سەناري اۆتورلارى مۇحامەد مامىربەكوۆ، ءازيزجان زايروۆ، قويۋشى وپەراتورى: تيمۋر يتەنوۆ، قويۋشى سۋرەتشى: دجال يبراگيموۆ. تۋىندىنىڭ باستى رولىندە دينارا ءشارىپوۆا، تاحير ۋماروۆ، قاناعات تاسقارايەۆ، گۇلباحرام بايبوسىنوۆا، ساۋران قاستەيەۆ، المات ادىلبايەۆ جانە باسقالارى وينايدى.
ەسكە سالا كەتسەك، بۇعان دەيىن «قازاق فيلم» «قىز بەن تەڭىز» اتتى تولىقمەتراجدى كوركەم فيلمنىڭ تۇسىرىلىمدەرى اياقتالعانىن حابارلاعان بولاتىن.
