وڭتۇستىك كورەيا پرەزيدەنتى كيم چەن ىننىڭ قارىنداسىمەن كەزدەستى
كەزدەسۋ پرەزيدەنت رەزيدەنسياسىندا وتكەن. وڭتۇستىك كورەيا تاريحىندا سولتۇستىك كورەيا باسشىسىنىڭ تۋىسىمەن كەزدەسۋ بۇعان دەيىن بولماعان. پحەنيان دەلەگاتسياسى اراسىندا سولتۇستىك كورەيا پارلامەنتى سانالاتىن جوعارعى حالىق جيىنى پرەزيديۋمىنىڭ ءتوراعاسى 90 جاستاعى كيم ەن نام دا بار.
كيم چەن ىننىڭ قارىنداسى وڭتۇستىك كورەيا پرەزيدەنتىنە اعاسىنىڭ سالەمىن جەتكىزدى. سالەمدە پرەزيدەنت مۋن چجە يندى سولتۇستىك كورەياعا قوناققا كەلۋگە شاقىرعان.
قىسقى وليمپيادانىڭ اشىلۋ سالتاناتىندا كيم چەن ىننىڭ قارىنداسى ا ق ش ۆيتسە- پرەزيدەنتى مايك پەنسپەن قاتار وتىردى. ءبىراق ولار ءبىر- بىرىمەن سويلەسىپ، ارالاسپاعانى بايقالعان. ا ق ش سولتۇستىك كورەيادان يادرولىق باعدارلامادان باس تارتۋدى تالاپ ەتىپ كەلەدى.
پحەنيان پحەنچحاندا وتەتىن قىسقى وليمپياداعا 22 سپورتشى جىبەردى. قوس كورەيا سپورتشىلارى ءبىر تۋ استىندا جارىسقا كىرىستى.
www.azattyq.org
