اكىم سەمەي قالاسىنىڭ جاسىنا قاتىستى پىكىر ءبىلدىردى
بەلسەندى نيكولاي يسايەۆ شاھار باسشىسىمەن كەزدەسۋىندە سەمەيدىڭ 300 جىلدىعىن اتاپ ءوتۋ قاجەتتىگىن العا تارتتى.
«قالامىزعا ينۆەستيتسيا قاجەت. ونى تارتۋدىڭ ءبىر جولى - قالانىڭ مەرەيتويىن تويلاۋ. 300 جىلدىق داتا تالايدىڭ نازارىن اۋداراتىنى ءسوزسىز. وسىلايشا ءبىز قالاعا جاڭا ينۆەستيتسيا كوزدەرىن تارتار ەدىك، - دەدى نيكولاي يسايەۆ.
قالا اكىمى بۇل ۇسىنىسقا قاتىستى ءوز ۇستانىمىن ءبىلدىردى.
«مەن بۇل تۋرالى ويىمدى بۇرىن دا ايتقانمىن. اۋەلى قالانىڭ جاسىنا قاتىستى دەرەكتى تۇراقتاندىرۋ قاجەت. سەمەيدىڭ تاريحى 1000 جىلعا جەتە مە، جوق الدە 300 جىلعا جەتە مە، بەلگىسىز. ناقتى دالەلى تابىلعاندا، قالا كۇنىن عانا تويلايتىن بولامىز. سەمەيدىڭ الەۋمەتتىك- ەكونوميكالىق جەتىستىكتەرىن پاش ەتەتىن شارالاردىڭ بارلىعى قىركۇيەكتىڭ سوڭعى جەكسەنبىسىندە وتكىزىلۋى كەرەك» - دەدى ەرماك ءسالىموۆ.
قالا تاريحىن زەرتتەۋشىلەر سەمەيدىڭ جاسىنا بايلانىستى ءبىر توقتامعا كەلە الماي جۇرگەنىنە تالاي بولدى. امانتاي يسين سياقتى تاريحشىلار قالانىڭ تاريحى 1000 جىلعا جەتەتىنىن ايتىپ، 1718 -جىلى قالادان قازاقتار سىرتقا كوشىرىلگەنىن دالەلدەپ باعۋدا.
ال جەرگىلىكتى مۇراعات ءىسىنىڭ ماماندارى سەمەيدىڭ ىرگەسى 1718 جىلعى وتارلاۋمەن بىرگە قالانعان دەگەن پىكىردە. ەندى ءبىر توپ سەمەيدىڭ تاريحى 800 جىلدى قامتيدى دەگەن نۇسقا ايتىپ ءجۇر.
«ءساۋىر ايىندا وسى ماسەلەگە بايلانىستى اۋقىمدى عىلىمي كونفەرەنسيا وتكىزۋ جوسپارلانعان. وسى باسقوسۋدا عالىمدار ءبىر توقتامعا كەلەر دەگەن ءۇمىتىمىز بار» - دەيدى قالالىق ىشكى ساياسات ءبولىمىنىڭ باسشىسى ايدار سادىربايەۆ.
فوتو: vk.com
