ەركە ەسماحان كويلەكتەرىن ساتىپ، مۇقتاج جاندارعا كومەكتەسپەكشى
بۇل تۋرالى ءانشىنىنىڭ ءوزى Instagram جەلىسىندەگى پاراقشاسىندا جازدى. ايتۋىنشا، ءوزىنىڭ كويلەكتەرىن ساتىپ العىسى كەلەتىن نەمەسە سىيعا بەرۋىن سۇرايتىندار قاتارى كوپ ەكەن.
«ماعان قىزمەت ەتىپ بولعان ساحنالىق كويلەكتەرىم جينالىپ قالدى. ولاردى ساتىپ الامىن نەمەسە سىيلىققا بەرىڭىزشى دەيتىن قىزدار كوپ. ءبىراق مەن اۋكتسيون ۇيىمداستىرايىن دەپ شەشتىم. بۇل كويلەكتەر ارزان ەمەس. 500 مىڭ تەڭگە. سوندىقتان مۇقتاج جاندارعا ءبارىمىز بىرگە كومەكتەسىپ كورسەك قالاي بولادى ەكەن؟ كويلەكتەر ساتىلىمىنان تۇسكەن قارجى تولىق مۇقتاج جاندارعا بەرىلەدى. وتاندىق ديزاينەر نايل بايكۋچۋكوۆتەن الىنعان ساحنالىق كويلەگىم العاشقى اۋكسيونعا قويىلدى. باستاپقى باعاسى 30 مىڭ تەڭگە. اۋكسيوننىڭ اياقتالۋ ۋاقىتىن، ساتىپ الۋشىنى ءوزىم شەشەمىن... «جۇرەكتەگى كوزىمنىڭ» كومەگىمەن» ، - دەپ جازدى ءانشى.
ءوز كەزەگىندە جەلى قولدانۋشىلارى ءانشىنىڭ قايىرىمدىلىق جاساۋعا نيەتتەنگەن ارەكەتىنە ءتانتى بولدى. «بۇل ءىسىڭ ادام قۇپتارلىق ەكەن. قايىرىمدىلىق كەش وتكىزىپ، سول جەردە اۋكسيون ارقىلى ساتپادىڭ با؟ ءاليجاندى ءارى اسابا، ءارى اۋكسيون جۇرگىزۋشىسى قىلىپ، بالعاسىن قولىنا بەرسەڭ، كويلەگىڭ تۇگىل، تۋفليىڭە شەيىن ساتادى» ، - دەپ جازدى جەلى قولدانۋشىلارىنىڭ ءبىرى.
