مىسىردا تەرروريزمگە قارسى ءىرى وپەراتسيا ءوتىپ جاتىر
اسكەري وپەراتسيا سيناي جارتىلاي ارالىنىڭ كوپتەگەن اۋدانى مەن ءشولدىڭ باتىس اۋماعىن، ءنىل دەلتاسىن قامتيدى، دەپ حابارلايدى Baq.kz اقپارات اگەنتتىگى korrespondent.net سايتىنا سىلتەمە جاساپ.
وپەراتسياعا اسكەري- اۋە كۇشتەرى، قۇرلىق بولىمشەسى، فلوت جانە پوليسيا قاتىسىپ جاتىر.
«اسكەري كۇشتەر مىسىر ەلىن قۇقىق قورعاۋ ورگاندارىمەن تىعىز قارىم- قاتىناس ورناتۋعا شاقىرادى. ولار كەز كەلگەن قاۋىپسىزدىككە قارسى ەلەمەنتتەردى حابارلاپ وتىرۋ ارقىلى تەرروريزمنىڭ الدىن الۋعا كومەكتەسەدى، - دەيدى مىسىر اسكەرىنىڭ وفيتسەرى تامەر ءال- ريفاي.
وپەراتسيا سينايدىڭ سولتۇستىگىندەگى مەشىتتە تەراكتىدەن 300 ادام قايتىس بولعان ساتتەن باستالدى. ونىڭ جۇرگىزىلىپ جاتقانىنا ءۇش اي بولدى. تەراكتى ءۇشىن جاۋاپكەرشىلىكتى ءالى كۇنگە دەيىن بىردە- ءبىر ۇيىم المادى. مۇنىمەن قاتار، اتالعان وپەراتسيانى قولعا الۋعا ناۋرىز ايىنىڭ سوڭىندا وتەتىن پرەزيدەنت سايلاۋى ۇيىتقى بولىپ وتىر.
«ماقسات - اقپان ايىنىڭ سوڭىنا دەيىن سولتۇستىك سينايدى تەرروريزمنەن ازات ايماق رەتىندە جاريالاۋ» ، - دەپ حابارلايدى مىسىر قاۋىپسىزدىگى تۋرالى اقپارات تاراتاتىن اگەنتتىكتەردىڭ ءبىرى.
Baq.kz
