قازاقستاندا جاڭا تەلەارنا اشىلادى
بۇل تۋرالى «جاڭارتىلعان ەنەرگيا كوزدەرى تۋرالى قولدانىستاعى زاڭناماعا وزگەرىستەر مەن تولىقتىرۋلار ەنگىزۋدىڭ كونسەپتۋالدىق نەگىزدەرىن تالقىلاۋ» اتتى رەسپۋبليكالىق عىلىمي كونفەرەنتسيادا «بايتاق بولاشاق» ر ق ب پرەزيدەنتى ازاماتحان ءامىرتاي ءمالىم ەتتى، دەپ حابارلايدى قازاقپارات.
«ءبىز ەكولوگيا تاقىرىبىندا تەلەارنا اشۋدى ءجون كوردىك. تەلەارنانىڭ نەگىزگى كونتەنتى جاستارعا باعىتتالادى. نەلىكتەن جاستارعا ەكەنىن دە ايتا كەتەيىن. جاستار مەن جاسوسپىرىمدەر ەكولوگيا تاقىرىبىمەن ءجيى اينالىسادى ءارى بەلسەندى بولىپ كەلەدى. ولاردى وسى ماقساتقا تەرەڭىرەك باۋلىساق جاقسى ناتيجە بەرەدى دەپ ويلايمىز» ، - دەدى ا. ءامىرتاي.
ەكولوگيالىق اليانس پرەزيدەنتىنىڭ ايتۋىنشا، تەلەارنا اشۋعا قازىرگى ۋاقىتتا بارلىق جاعداي جاسالعان.
«تەلەارنا اشۋ ءۇشىن ءتيىستى جيىلىكتى ساتىپ الدىق. تەحنيكالىق دايىندىقتارى ءجۇرىپ جاتىر. الداعى ءساۋىر ايىندا وتانداستارىمىز جاڭا تەلەارنانى تاماشالايتىن بولادى» ، - دەدى ول.
سونىمەن قاتار، اتالعان جيىن كەزىندە ەسەپ بەرگەن ازاماتحان ءامىرتاي ەكولوگيالىق اليانستىڭ «تازا ەل» اتتى گازەتى دە جارىققا شىققانىن اتاپ ءوتتى.
«تەلەارنا اشاردان بۇرىن گازەت اشىپ تا كوردىك. جاقسى سۇرانىسقا يە بولىپ وتىر. قوعامدى ەكولوگيا ماسەلەسى بەيجاي قالدىرمايتىنى قۋانتادى» ، - دەپ ءسوزىن تۇيىندەدى ۇيىم باسشىسى.
