وڭتۇستىك كورەيا پرەزيدەنتى مامىردىڭ سوڭىندا قازاقستانعا كەلەدى

استانا. قازاقپارات - ق ر پارلامەنتى سەناتى كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ ءتوراعاسى گەورگيي كيم كورەيا رەسپۋبليكاسى ۇلتتىق اسسامبلەياسىنىڭ ءتوراعاسى چۋن سە كيۋنمەن كەزدەستى، دەپ حابارلايدى سەناتتىڭ باسپا ءسوز قىزمەتى.

  تاراپتار ساياسات، ساۋدا- ەكونوميكا، كولىك جانە يندۋستريا- يننوۆاتسيا سالالارىنداعى ءوزارا ىنتىماقتاستىق ماسەلەلەرىن تالقىلادى.

 «ەكىجاقتى قاتىناستار سالاسىندا وسى جىل ماڭىزدى وقيعالار مەن شارالارعا تولى بولىپ وتىر. كورەيا رەسپۋبليكاسى پرەزيدەنتىنىڭ مۋن چجە ءيننىڭ بيىلعى مامىر سوڭىنداعى قازاقستانعا ساپارى نەگىزگى وقيعا بولۋى ءتيىس»، - دەدى سەناتور. گ. كيم پرەزيدەنت ن. نازاربايەۆتىڭ 2016 -جىلعى 9-11- قاراشاداعى سەۋلگە مەملەكەتتىك ساپارى بارىسىندا قول قويىلعان سترەتەگيالىق ارىپتەستىك قاتىناستاردى ودان ءارى تەرەڭدەتۋ تۋرالى بىرلەسكەن دەكلاراتسيانىڭ زور ماڭىزىن اتاپ ءوتتى.

جۇزدەسۋشىلەر ەكىجاقتى اۋقىمدى بايلانىستاردى نىعايتۋ ءۇشىن پارلامەنتارالىق ءوزارا ءىس- قيمىلدىڭ ەرەكشە ماڭىزى تۋرالى ورتاق پىكىر ءبىلدىردى. دەپۋتاتتىق دوستىق توپتارى جۇيەسى بويىنشا پارلامەنتارالىق بايلانىستاردى دامىتۋ تۋرالى كەلىسىمگە قول جەتكىزىلدى، قازاقستان پارلامەنتى سەناتىنىڭ ءتوراعاسى قاسىم- جومارت توقايەۆتىڭ وڭتۇستىك كورەيا ۇلتتىق اسسامبلەياسىنىڭ باسشىسىنا بيىل رەسمي ساپارمەن استاناعا كەلۋگە شاقىرۋى تابىس ەتىلدى.

 گ. كيم ەلىمىزدىڭ ينۆەستيتسيالىق زاڭناماسىمەن جانە ەكونوميكالىق جوسپارلارىمەن تانىستىرىپ، قازاقستانداعى جوبالاردى ىسكە اسىرۋ جونىندەگى بىرلەسكەن جۇمىستارعا كورەي بيزنەسىن شاقىردى. سەناتوردىڭ پىكىرىنشە، اۋىل شارۋاشىلىعى، تۋريزم، كولىك- لوگيستيكا جانە جوعارى تەحنولوگيالار سالالارىنداعى ىنتىماقتاستىق ىقىلاس تۋعىزادى. كورەي تۇبەگىندەگى جاعدايدى رەتتەۋ تاقىرىبىن تالقىلاۋ بارىسىندا گ. كيم ب ۇ ۇ قاۋىپسىزدىك كەڭەسىنىڭ ءتوراعاسى رەتىندە قازاقستاننىڭ 2018 -جىلى قاڭتاردا قابىلداعان ماڭىزدى شارالارىن اتاپ ءوتتى. ول ب ۇ ۇ قاۋىپسىزدىڭ كەڭەسىنىڭ 18 - قاڭتارداعى پرەزيدەنت ن. نازاربايەۆ پەن پولشا پرەزيدەنتى ا. دۋدا قاتىسقان «جاپپاي قىرىپ- جويۋ قارۋلارىن تاراتپاۋ: سەنىم شارالارى» تاقىرىپتىق بريفينگىن اتاپ ءوتىپ، ونىڭ قورىتىندىسى بويىنشا قاۋىپسىزدىك كەڭەسى ءتوراعاسىنىڭ ايماقتىق قاقتىعىستاردى بولدىرماۋ جانە الدىن الۋ ديپلوماتياسى تۋرالى مالىمدەمەسى قابىلدانعانىن ايتتى. قازاقستان رەسپۋبليكاسى ءۇنقاتىسۋ قالىپتاساتىنىنا جانە پحەنچحانداعى ويىندارعا كحدر- دىڭ قاتىناساتىنىنا، كورەي تۇبەگىندەگى شيەلەنىستىڭ شەشىمى تابىلاتىنىنا سەنىم ارتادى، دەدى گ. كيم.

 تاراپتار كەزدەسۋ سوڭىندا تالقىلانىپ وتىرعان ماسەلەلەر بويىنشا كوزقاراستاردىڭ ۇقساستىعىنا توقتالا كەلىپ، حالىقارالىق ارەناداعى ىنتىماقتاستىقتى جالعاستىرۋدى جاقتايتىنىن ايتتى.