پرەزيدەنت الكوگولدىك ءونىمنىڭ كولەڭكەلى نارىعىن سىنعا الدى
«كەشە باقىت سۇلتانوۆقا (قارجى ءمينيسترى) ايتقان بولاتىنمىن، اراق- شاراپ ىسىندە جۇرگەن ادامداردىڭ 70-80 پايىزى سالىقتىڭ جانىنان جىلىستاپ كەتىپ جاتىر. تۇندە شىعارادى، ياعني رەسمي قۇجاتتاردا ەسكەرىلمەگەن قولما- قول اقشا ءجۇرىپ جاتىر، اينالىمدا قوماقتى قارجى بار. ولار شەنەۋنىكتەردى بۇلدىرەدى. ناتيجەسىندە، قارجى بيۋدجەتتى اينالىپ كەتۋدە. بۇل ماسەلەدە ءتيىستى تاپسىرما بەرمەيىنشە، ەشكىم دە قوزعالمادى. سالىقشىلارىمىز قايدا؟ وسى سالاداعى ادامدار قايدا؟ وسىلاي جۇمىس ىستەۋگە بولا ما؟ كوز الدارىڭدا، وسىنى كورىپ وتىرسىڭدار، جوعارى جاقتان توقپاق كەرەك»، - دەدى مەملەكەت باسشىسى.
وسى ورايدا پرەزيدەنت ءاربىر مينيسترگە، ءار وڭىرگە قاجەتتى قۇقىق بەرىلگەنىن، ءوز ەركىمەن جۇمىس ىستەۋگە جاعداي جاسالعانىن اتاپ ءوتتى.
«سونىڭ وزىندە جوعارى جاقتان تاپسىرما بەرگەندە عانا قوزعالاسىڭدار. بۇل كەلەڭسىزدىكتەرگە قاشان نۇكتە قويىلادى؟ قىزمەتتە جۇرگەندەردىڭ نەگىزگى بولىگى جاس بۋىن عوي. الدە، قۇرامدى تاعى دا جاسارتۋ كەرەك پە؟»، - دەدى مەملەكەت باسشىسى.
اۆتور: رۋسلان عابباسوۆ
