قازاقستان ەلشىسى قىتاي حالقىنا «كوكتەم» مەرەكەسىنە وراي سالەم جولدادى
ەلشىنىڭ قۇتتىقتاۋى بۇگىن قىتايدىڭ «حالىق گازەتى» سايتىندا جاريالاندى. وندا شاحرات نۇرىشيەۆ قازاقستان مەن قىتاي ديپلوماتيالىق قارىم- قاتىناس ورناتقاننان بەرى بارلىق سالاداعى بايلانىستىڭ تەرەڭدەپ، ەكى ەلدىڭ سان عاسىردان بەرگى ءداستۇرلى دوستىق قارىم - قاتىناسىنىڭ نىعايىپ جان - جاقتى ستراتەگيالىق سەرىكتەستىك ورناتقانىن اتاپ وتكەن.
«2017 -جىل ەكى ەل قارىم- قاتىناسىنىڭ دامۋ تاريحىنداعى ەرەكشە جىلعا اينالدى. مامىر ايىندا ق ر پرەزيدەنتى نۇرسۇلتان نازاربايەۆ قىتايعا رەسمي ساپارمەن كەلدى جانە بەيجىڭدە وتكەن «ءبىر بەلدەۋ، ءبىر جول» حالىقارالىق ىنتىماقتاستىق فورۋمىنا قاتىستى. ال ماۋسىم ايىندا ق ح ر ءتوراعاسى شي جينپيڭ قازاقستانعا مەملەكەتتىك ساپارمەن بارىپ، شاڭحاي ىنتىماقتاستىق ۇيىمىنىڭ سامميتى مەن EXPO-2017 حالىقارالىق كورمەسىنىڭ اشىلۋىنا قاتىستى»، - دەلىنگەن قۇتتىقتاۋدا.
سونىمەن بىرگە ەلشى قىتاي ەلىنىڭ گۇلدەنىپ، ودان ءارى دامۋىن، جاڭا جىلدا ءار وتباسىنا تابىس، دەنساۋلىق باقىت تىلەيتىنىن ايتقان.
اۆتور: ريزابەك نۇسىپبەك ۇلى
