ۇلىتاۋدا ەتنواۋىل سالىنادى

استانا. قازاقپارات - ۇلىتاۋدا ەتنواۋىل سالىنادى. بۇل تۋرالى بۇگىن قازاقستان پرەزيدەنتى نۇرسۇلتان نازاربايەۆتىڭ توراعالىعىمەن وتكەن ۇكىمەتتىڭ كەڭەيتىلگەن ماجىلىسىندە قاراعاندى وبلىسىنىڭ اكىمى ەرلان قوشانوۆ ايتتى، دەپ حابارلايدى قازاقپارات.

 «ءسىزدىڭ باستاماڭىزبەن قولعا الىنعان «رۋحاني جاڭعىرۋ» باعدارلاماسىن قاراعاندىلىقتار ءبىراۋىزدان قولداپ وتىرعانىن ەرەكشە اتاپ ايتقىم كەلەدى. ءوڭىردىڭ وزىندىك ەرەكشەلىكتەرىن ءسىز جاقسى بىلەسىز، اۋماعى ۇلكەن، حالقى شاشىراڭقى ورنالاسقان. وسىنى ەسكەرە وتىرىپ، تۇرعىنداردى بارىنشا قامتۋ ءۇشىن شاعىن جوبالارعا باسا نازار اۋدارۋعا ۇيعاردىق»، - دەدى قوشانوۆ.

 ونىڭ دەرەگىنشە، جالپى العاندا «رۋحاني جاڭعىرۋ» باعدارلاماسىنا 12 ميلليارد تەڭگەدەن استام سوماعا 430 جوبا ەنگىزىلىپ وتىر. تەك وتكەن جىلدىڭ وزىندە عانا ءوڭىر مەتساناتتارى 74 الەۋمەتتىك نىساندى سالعان جانە جوندەۋدەن وتكىزگەن.

 «قاراعاندى ءۇشىن باعدارلامانىڭ باستى جوباسى-  ۇلىتاۋ. مادەنيەت جانە سپورت مينيسترلىگىمەن بىرلەسىپ  ۇلىتاۋدا ساپار ورتالىلىعى مەن ەتنواۋىل سالۋ جوسپارلانۋدا»، - دەدى ءوڭىر باسشىسى.

اۆتور: مارلان جيەمباي