نازاربايەۆ اگرارلىق ج و و- دا وقيتىن قىزدار تۋرالى: ولار اۋىلعا بارا ما

استانا. قازاقپارات - بۇگىن ۇكىمەتتىڭ كەڭەيتىلگەن ماجىلىسىندە قازاقستان پرەزيدەنتى نۇرسۇلتان نازاربايەۆ اگرارلىق عىلىمدى دامىتۋ ماسەلەسىنە نازار اۋداردى، دەپ حابارلايدى قازاقپارات.

 «تاعى ءبىر ماسەلە - اۋىل شارۋاشىلىعىنداعى اگرارلىق عىلىمى. بۇل دا بىزدە ەش دامىماي وتىر. بىزدە ءۇش ۋنيۆەرسيتەت بار - الماتى مەن استانادا جانە باتىس قازاقستاندا. ولار ءوز بەتتەرىمەن جۇمىس ىستەۋدە. مەن مۇنى ايتتىم ءجۇرمىن. سونىمەن بىرگە بۇل ۋنيۆەرسيتەتتەرگە تەك قىزداردى الادى. قىزدارعا مەنىڭ قارسىلىعىم جوق، بولعان دا ەمەس. دەگەنمەن، ول قىزدار اۋىلعا بارا ما؟» دەپ سۇرادى ەلباسى ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆتەن.

 «ءيا، سوعان كۆوتا ەنگىزەيىك دەپ وتىرمىز ، اۋىلدىق جەردەن كەلەتىن ستۋدەنتتەر سانى 70 پروتسەنت بولۋى كەرەك»، - دەدى ءوز كەزەگىندە ول.

وسى رەتتە مەملەكەت باسشىسى فەرمەرلەر، اۋىل شارۋاشىلىعى باسشىلارى جاستارعا شاكىراقىلارىن، گرانتتارىن تولەپ بەرەتىندىگىن ايتتى.

 «سودان كەيىن اۋىلىنا قايتىپ كەلۋىنە جاعداي جاساۋ قاجەت. قالعانىنىڭ بارلىعى تامىر- تانىستىق نەمەسە ۇ ب ت- دا رەيتينگىن تومەندەتەدى دە وتپەي قالعاندارىن جيناپ الادى. ويتكەنى رەكتور جۇمىس ىستەۋى كەرەك قوي. ستۋدەنت بولماسا نە ىستەيدى؟ مۇعالىمدەر نە ىستەيدى ستۋدەنتسىز؟ ايتەۋىر ستۋدەنت بولۋى كەرەك، مەملەكەت اقشاسىن تولەپ جاتىر»، - دەگەن مەملەكەت باسشىسى ءومىرزاق شوكەيەۆ ماسەلەنى رەتكە كەلتىرەتىندىگىنە سەندىردى.

 سونىمەن قاتار قازاقستان پرەزيدەنتى مال شارۋاشىلىعىندا، مال ونىمدەرىن وڭدەۋدە، اۋىل شارۋاشىلىعى عىلىمىندا تۇبەگەيلى وزگەرىستەر قاجەت ەكەندىگىن ەسكەرتتى.

اۆتور: مارلان جيەمباي