جىگىت ەسىرتكى ساقتاعانى ءۇشىن ۇستالىپ جاتقاندا، قىزىنا ۇيلەنۋگە ۇسىنىس جاسادى - ۆيدەو
جىگىتتى قۇقىق قورعاۋ ورگانى قىزىنىڭ كوز الدىندا ەسىرتكى ساقتادى دەپ ۇستاپ الادى. مۇنى ول ءوزى ۇيىمداستىرعان بولىپ شىقتى. قىز تۇرمىسقا شىعۋعا كەلىسىمىن بەردى.
بۇل تۋرالى Sputnik قىرعىزستان حابارلادى.
وقيعا بىشكەكتە كەشكى ساعات 21:00 شاماسىندا بولعان. سەناري بويىنشا، كەزدەسىپ جۇرگەن قىز بەن جىگىتكە قارۋلانعان قۇقىق قورعاۋ ورگاندارى كەلىپ جىگىتتى ەسىرتكى ساقتادى دەپ ايىپتايدى.
ءوزىنىڭ كىناسىز ەكەنىن ايتقان جىگىتتىڭ كولىگىنەن اق ۇنتاق تابىلادى.
وقيعانى كورگەن قىز قيىن جاعدايعا قالعان. ءتىپتى، جىلاۋعا دەيىن بارادى. اق ۇنتاقتى اشىپ جىگىتتىڭ الدىنا قويادى. سول كەزدە قىزعا قۇجاتتارمەن تانىسىڭىز دەپ قاعاز بەرەدى. ول قاعازدا «ماعان تۇرمىسقا شىقشى» دەگەن جازۋ بولادى. جىگىت ۇنتاق سالىنعان پاكەتتەن جۇزىك شىعارادى. مۇنى بىلگەن قىز جىلاپ جىبەرۋگە از قالدى.
قورقىپ قالعان قىز ۇسىنىستى قابىل الدى.
«قاتتى قورقىپ كەتتىم. نە بولىپ جاتقانىن تۇسىنبەي قالدىم. ءبىراق ۇنتاق سالىنعان پاكەت جىگىتىمدىكى ەمەس ەكەنىن ءبىلدىم. سەبەبى، مەن ۇنەمى ونىڭ قاسىندا جۇرەمىن»، - دەيدى قىز.
قىزىقتى ۇسىنىستى جاساۋعا Sputnik كىرگىزستان رەداكسياسىنىڭ جۋرناليستەرى كومەكتەستى.
