باقىتجان ساعىنتايەۆ: ەلىمىزگە شەتەلدىك قارجىگەرلەردىڭ جاڭا تولقىنى كەلە جاتىر
بۇل تۋرالى ەلباسىنىڭ قاتىسۋىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا بايانداما جاساعان ق ر پرەمەر- ءمينيسترى باقىتجان ساعىنتايەۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.
«ءسىزدىڭ وسى جۇمىسقا كۇش سالۋىڭىزدىڭ ارقاسىندا تاۋەلسىزدىك العالى بەرى مەملەكەتىمىزگە شەتەلدەن 300 ميلليارد ا ق ش دوللارىنا جۋىق ينۆەستيسيا تارتىلدى. قازاقستان ءوز ايماعىندا بۇل كورسەتكىش بويىنشا كوشباسشى بولىپ تابىلادى»، - دەپ اتاپ ءوتتى ۇكىمەت باسشىسى.
باقىتجان ساعىنتايەۆتىڭ ايتۋىنا قاراعاندا، قازىرگى ۋاقىتتا شەتەلدەن ينۆەستيسيا تارتۋ قۇرىلىمى وزگەرگەن.
«شەتەلدىك ينۆەستيتسيالاردىڭ 25 پايىزى وندەۋ ونەركاسىبىنە باعىتتالىپ وتىر. شيكىزاتتان تىس سەكتورعا - 50 پايىز. ەلىمىزگە شەتەلدىك ينۆەستيسيالاردىڭ جاڭا تولقىنى كەلە جاتىر»، - دەدى ول.
پرەمەر-مينيستر بۇل ءسوزىن ناقتى مىسالدارمەن شەگەلەي ءتۇستى.
«Chevron كومپانياسىنىڭ قۇنى 37 ميلليارد ا ق ش دوللارلىق ينۆەستيسياسىمەن بىرلەسكەن تەڭىز جوباسىنىڭ كەڭەيتىلۋىنىڭ قازىرگى تاڭدا الەمدە بالاماسى جوق. قىتاي، رەسەي، ا ق ش، جاپونيا، وڭتۇستىك كورەيا، يران، تۇركيا مەن وزگە دە مەملەكەتتەرمەن ونەركاسىپتىك قۋاتتىلىقتى دامىتۋ بويىنشا قۇنى 50 ميلليارد ا ق ش دوللارلىق ءسىزدىڭ كەلىسىمدەرىڭىزدى جۇزەگە اسىرۋ - ۇكىمەتتىڭ باقىلاۋىندا»، - دەدى مينيسترلەر كابينەتىنىڭ باسشىسى.
