شىمكەنتتىڭ ەڭ جاس اقىنى رەسپۋبليكالىق دودادا توپ جاردى

شىمكەنت. قازاقپارات - استانا قالاسىنىڭ جانە قازاق ۇلتتىق ونەر ۋنيۆەرسيتەتىنىڭ 20 جىلدىعىنا وراي «ۇلى دالانىڭ ۇلانىمىن» اتتى رەسپۋبليكالىق اقىندارى ايتىسى ايتىسى ءوتتى، دەپ حابارلايدى قازاقپارات ءتىلشىسى.

ق ر مادەنيەت جانە سپورت مينيسترلىگىنىڭ ۇيىمداستىرۋىمەن وتكەن جاستار جىر دوداسىنا ەلىمىزدىڭ تۇكپىر- تۇكپىرىنەن 14 اقىن قاتىستى.

ءدۇبىرلى دوداعا قاتىسقان جاس اقىندار ەلباسىمىز نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىنداعى رۋحاني قۇندىلىقتاردى دارىپتەپ، ولاردى جىرعا قوستى.

ەلىمىزدىڭ اجارىنا اينالعان استانا قالاسى مەن ونەرلى جاستاردى قانات قاقتىرعان وردالى وقۋ ورنىنىڭ 20 -جىلدا جەتكەن جەتىستىكتەرى مەن جاسامپاز كەلەشەگىن جىرعا قوستى. ايتىستىڭ ءبىرىنشى اينالىمىندا وڭتۇستىكتىڭ جاس اقىنى نۇرعالي ءاناپيا قازاق ۇلتتىق ونەر ۋنيۆەرسيتەتىنىڭ ستۋدەنتى بەك شماتپەن ايتىسىپ، باسىم ءتۇستى.

ال، ەكىنشى سىندا اقتوبە وبلىسىنىڭ ءدۇلدۇلى ءاليحان جاقسىلىقپەن تارتىسىپ، وزا شىقتى. ءسويتىپ باس جۇلدەنى جەڭىپ الدى.

ايتا كەتەيىك، نۇرعالي اناپيا وتكەن جىلى شىمكەنت قالاسىنىڭ «ەڭ جاس اقىنى» نوميناتسياسىنىڭ يەگەرى اتانعان. ول التى جاسىنان باستاپ ايتىسقا قاتىسىپ، وبلىستىق، رەسپۋبليكالىق، حالىقارالىق دودالاردا توپ جارىپ ءجۇر.