تاعى ەكى قازاقستاندىق وليمپيادانىڭ فينالىنا ءوتتى - فوتو

پحەنچحان. قازاقپارات - پحەنچحانداعى قىسقى وليمپيادا ويىندارىندا قازاقستاندىق كولماكوۆ پەن رەيحەرد موگۋلدان فينالعا شىقتى، دەپ حابارلايدى قازاقپارات ءتىلشىسى.

قازاقستاندىق سپورتشى دميتري رەيحەرد 81.23 كورسەتكىشىمەن ۇشتىكتى تۇيىندەدى. 86.07 ۇپاي جيناعان كانادالىق ميكاەل كينگسبەري كوش باستاسا، ەكىنشى ورىندى - رەسەيلىك الەكساندر سمىشليايەۆ (83.93) يەلەنگەن.

سونداي- اق، قازاقستاندىق فريستايلشى پاۆەل كولماكوۆ ىرىكتەۋ سايىسىندا 79.98 ۇپايمەن جەتىنشى ورىن الىپ، فينالعا ءوتتى.

ايتا كەتەيىك، بۇعان دەيىن ايەلدەر اراسىندا موگۋلدان قازاقستاندىق فريستايلشى يۋليا گالىشەۆا فينالعا جولداما العان ەدى.