قىتاي پوليتسياسى «اقىلدى» كوزىلدىرىكتەرمەن قارۋلانا باستادى

استانا. قازاقپارات - قىتاي پوليتسياسى قىلمىسكەرلەردى انىقتاۋ ءۇشىن ادامداردىڭ بەت-الپەتىن سكانەرلەيتىن كوزىلدىرىك الدى.

جاڭا قۇرىلعى تاراتىلعان العاشقى كۇندەرى-اق قىلمىستىق توپتىڭ جەتى مۇشەسى مەن جالعان ءتولقۇجاتى بار 26 ادام انىقتالعان. بۇل تۋرالى «كومسومولسكايا پراۆدا» جازۋدا.

«اقىلدى» كوزىلدىرىكتەردى تاعىپ جۇرەتىن ۆيدەوتەحنيكاعا ماماندانعان LLVision Technology نەمىس كومپانياسى جاساپ شىعارعان. ولار جەكە ازاماتتارعا ساتىلمايدى جانە تەك قۇقىق قورعاۋشى ورگاندارعا جەتكىزىلەدى.

LLVision بۇل سىناق رەتىندەگى ۇلگىلەر ەكەندىگىن اتاپ وتۋدە. وندا قازىر 10 مىڭ ادامنىڭ دەرەگى ساقتالعان. كوزىلدىرىك كىسى تۇلعاسىن 100 ميلليسەكۋندتىڭ ىشىندە انىقتاي الادى. ونىمەن ءبىر مەزگىلدە، كومپانيانىڭ اتقارۋشى ديرەكتورى ۆۋ فەي قىلمىسكەردى ءدال انىقتاۋعا «قورشاعان ورتاداعى شۋ» كەرى اسەرىن تيگىزۋى مۇمكىندىگىن ايتۋدا.

قازىرگى ۋاقىتتا قىتايلىق عالىمدار قۇرىلعىنىڭ دەرەكتەر بازاسىنا 1,3 ميلليارد تۇرعىنعا قاتىستى اقپاراتتى ەنگىزۋمەن اينالىسىپ جاتىر.