قاراساي، اعىنتاي باتىرلار تۋرالى فيلم پروكاتقا شىعادى
اتالعان تۋىندىلار «حابار» اگەنتتىگىنىڭ تاپسىرىسىمەن تەلەحيكايا رەتىندە تۇسىرىلگەن.
«ناۋرىز ايىندا «باتىرلار جولى» جانە «التىنشى بەكەت» دەپ اتالاتىن ەكى تەلەسەريالدى جانە سولارعا نەگىزدەلگەن ەكى تولىقمەتراجدى فيلمدى قازاقستان كينوتەاترلارىندا كورسەتىلەدى. بۇل وتاندىق سەريالدار ىشىندە كينوپروكاتقا تولىق مەتراجدى جوبا رەتىندە شىعىپ وتىرعان تۇڭعىش دۇنيەلەر»، - دەپ اتاپ ءوتتى «حابار» اگەنتتىگى باسقارما ءتوراعاسىنىڭ ورىنباسارى رينات كەرتايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
اگەنتتىك وكىلى ايتىپ وتكەندەي، «باتىرلار جولى» - XVII عاسىردىڭ باسىندا قازاق حالقى باستان كەشكەن وقيعالاردى سۋرەتتەيدى. بۇل باستى رولدەگى قاراساي، اعىنتاي، تايماس، مەرگەن باتىرلاردىڭ جوڭعار- ويراتتار شاپقىنشىلىعى كەزىندەگى كورسەتكەن ەرلىكتەرىن جاستارعا ۇلگى ەتەتىن تاريحي تۋىندى.
«التىنشى بەكەت» كارتيناسىنا ومىردەن الىنعان شىنايى وقيعا ارقاۋ بولعان. دالىرەك ايتقاندا، 2010 -جىلى اقتاۋ تۇرمەسىنەن قاشقان قىلمىسكەرلەردى توقتاتۋدا ەرلىك كورسەتكەن ۇلتتىق ۇلان ساربازدارىنىڭ باتىرلىعى كورسەتىلەدى.
فيلمدەر پروكاتتان وتكەن سوڭ، ولاردىڭ سەريالدىق نۇسقاسى حابار ارناسىنان كورسەتىلەدى.
اۆتور: ايجان سەرىكجان قىزى
