12:21, 08 - اقپان 2018 | GMT +5
وزبەكتەر ءۇشىن ەندى اجىراسۋ اقىلى بولادى
استانا. قازاقپارات - وزبەكستان پارلامەنتى «جانۇيا جانە نەكە» زاڭناماسى مەن «ايەلدەردى قولداۋ جانە جانۇيالىق ينستيتۋتتى بەكەمدەۋ بويىنشا كەشەندى شارالار باعدارلاماسىنا» ءبىرقاتار وزگەرىستەر ەنگىزۋگە نيەتتى بولىپ وتىر.
ەنگىزىلەتىن وزگەرتۋلەرگە وراي ەندى وزبەك اعايىندار اجىراسۋ ماسەلەسىن تەك سوت ارقىلى شەشەتىن بولادى. بۇدان بولەك، اجىراسۋدى سۇراعان جان جۇبايىنا نەكەدەن باس تارتۋى ءۇشىن اقشا تولەۋى ءتيىس. ال، تولەنەتىن اقشا كولەمىن سوت انىقتايىن بولادى. ايتا كەتەيىك، قازىرگى تاڭدا وزبەكستاندا اجىراساتىن جاندار اراسىندا كامەلەتكە تولماعان بالالار بولماسا، ا ح ا ج ءبولىمى ارقىلى اجىراسۋعا بولادى. جاڭا زاڭناما بويىنشا نەكە قيا ەرەجەلەرىنە دە وزگەرتۋ ەنگىزىلگەن. ا ح ا ج بولىمىنە ءوتىنىش بىلدىرگەننەن كەيىن ويلانۋعا بەرىلەتىن ۋاقىت مەرزىمى ۇزارتىلاتىن بولماق. Muslim.kz
