قاراشىعاناقتا قازاقستاندىق ۇلەستى كوبەيتۋ ماسەلەسى تالقىلاندى
ب ق و اكىمىنىڭ باسپا ءسوز قىزمەتىنەن تۇسكەن مالىمەتكە قاراعاندا، Eni كومپانياسى بارلاۋ جانە ءوندىرۋ جونىندەگى باس وپەراتسيالىق ديرەكتورى انتونيو ۆەللا مەن اتقارۋشى ۆيتسە- پرەزيدەنتى لۋكا ۆينياتيمەن وتكەن باسقوسۋدا قاراشىعاناق جوباسىن جۇزەگە اسىرۋدىڭ 2017 - جىلعى وندىرىستىك ناتيجەلەرىن سارالاعان. سونداي- اق كەنىشتىڭ سانيتارلىق- قورعاۋ ايماعى شەكاراسىنىڭ وزگەرتىلۋىنە بايلانىستى ق ر ۇكىمەتى قاۋلىسىنا سايكەس ءبورلى اۋدانىنداعى بەرەزوۆ پەن بەستاۋ اۋىلدارى تۇرعىندارىن كوشىرۋدىڭ قورىتىندىلارى تۋرالى ايتىلعان.
ينۆەستورلاردىڭ سوزىنە قاراعاندا، «ق پ و ب. ۆ.» وتكەن جىلى ءونىم ءوندىرۋدىڭ رەكوردتىق كورسەتكىشىنە قول جەتكىزدى، بۇل قازاقستان رەسپۋبليكاسى مەن سەرىكتەس كومپانيالار ءۇشىن قوسىمشا تابىس تابۋعا مۇمكىندىك بەردى.
تاراپتار سونىمەن قاتار قازاقستاندىق ۇلەستى كوبەيتۋ، جوبانىڭ كەڭەيتىلۋىنە بايلانىستى الدا تۇرعان ماقسات- مىندەتتەر جانە باسقا ماسەلەلەردى تالقىلادى. مىسالى، 2017 -جىلدىڭ قورىتىندىسىنا سايكەس تاۋارلار، جۇمىستار مەن قىزمەتتەر كولەمىندەگى جەرگىلىكتى كاسىپورىندار قاتىسى 54 پايىزعا ءوسىپ، 400 ميلليون ا ق ش دوللارىن قۇراعانى اتاپ ءوتىلدى. تۇتاستاي العاندا، ءونىمدى ءبولىسۋ جونىندەگى تۇپكىلىكتى كەلىسىمگە قول قويىلعان 1997 -جىلدان بەرى «ق پ و ب. ۆ. » ساتىپالۋلارىنداعى جەرگىلىكتى ۇلەس 6,5 ميلليارد ا ق ش دوللارىنا جەتكەن.
ب ق و اكىمدىگىنىڭ وتىنىشىنە سايكەس قاراشىعاناق اكسيونەرلەرى بيىلدان باستاپ ءوڭىردىڭ الەۋمەتتىك ينفراقۇرىلىمىن دامىتۋعا قۇياتىن جىل سايىنعى ينۆەستيتسيالارىن ۇلعايتپاقشى. Eni كومپانياسى وكىلدەرىنىڭ ايتۋىنشا، جيىرما جىلدا بۇل ماقساتقا 340 ميلليون استام ا ق ش دوللارى بولىنگەن.
ب ق و اكىمى التاي كولگىنوۆ قاراشىعاناق جوباسىن ودان ءارى جۇزەگە اسىرۋ اياسىندا وبلىستىڭ اتقارۋشى ورگاندارى تاراپىنان قاجەتتى قولداۋ كورسەتىلەتىنىن جەتكىزدى.
«قاراشىعاناقتىڭ ءوڭىر ەكونوميكاسىنداعى ماڭىزى زور: تەك جوبانىڭ وزىندە 4 مىڭ قازاقستاندىق قىزمەتكەر جۇمىس جاسايدى، ودان بولەك كەنىشتى يگەرۋگە كوپتەگەن وتاندىق مەردىگەرلەر مەن ءونىم جەتكىزۋشىلەر قاتىسۋدا. بۇل رەتتە قازاقستاننىڭ ستراتەگيالىق مۇددەلەرىن قامتاماسىز ەتۋ جانە قورشاعان ورتانى قورعاۋ مەن ونەركاسىپتىك قاۋىپسىزدىك سالاسىنداعى زاڭدىلىقتى مۇلتىكسىز ساقتاۋ باسىم باعىت بولىپ قالا بەرمەك»، دەدى ءوڭىر باسشىسى.
اۆتور: ەلجان ەرالى
