ءىرى قالالاردا وزون قاباتى ىدىراپ بارادى - عالىمدار
ءىرى قالالارداعى اۋانىڭ وزون قاباتى جىلدان جىلعا ىدىراپ بارادى، دەپ حابارلايدى Baq.kz اقپارات اگەنتتىگى.
قازىرگە دەيىن زەرتتەۋشىلەر وزون قاباتىنىڭ ىدىراۋىنا باستى ەكى سەبەپ بارىن انىقتادى. عالىمدار ءبىرىنشى سەبەپ كليماتتىڭ جىلىنۋى ەكەنىن ايتادى. جىلىنۋ اسىرەسە ۇلكەن قالالاردا اۋانىڭ دۇرىس اينالۋىنا كەدەرگى كەلتىرەدى. ەكىنشى سەبەپ - حيميالىق زاتتار. ولار اۋادا ىدىراپ، وزون قاباتىنا زيان كەلتىرەدى. مۇنداي زاتتار بوياۋ ەزگىشتىڭ قۇرامىندا بار.
بىلتىر ماۋسىمدا ا ق ش پرەزيدەنتى دونالد ترامپ كليمات جونىندەگى پاريج كەلىسىمىنەن شىعاتىنىن جاريالاعان. ول سونىمەن قاتار عالامدىق جىلىنۋ تەورياسىن «ويدان شىعارىلعان» دەپ اتاعان. ا ق ش پرەزيدەنتىنىڭ شەشىمىن كوپ ەلدىڭ باسشىلارى سىناعان.
دۇنيەجۇزىلىك مەتەورولوگيالىق ۇيىمنىڭ مالىمەتىنشە، 2017 -جىل تاريحقا ەڭ جىلى جىلداردىڭ ءبىرى رەتىندە ەنگەن. زەرتتەۋشىلەر اۋاداعى كومىرقىشقىل گازىنىڭ كولەمى ۇلعايىپ، ال تەڭىز دەڭگەيى كوتەرىلىپ بارا جاتقانىن ايتادى.
