اقتوبەدە كەيبىر اكىمدەر مەملەكەتتىك باعدارلامالاردىڭ اتاۋىن دا بىلمەيدى
دەگەنمەن شالعاي اۋىل اكىمدەرى مەملەكەتتىك باعدارلامالاردىڭ اتاۋىمەن دە تانىس ەمەس، دەپ حابارلايدى قازاقپارات ءتىلشىسى.
اقتوبە وبلىسىندا كاسىپكەرلىك باسقارماسى وتكەن جىلدى قورىتىندىلاپ، 2018 -جىلدىڭ جوسپارىمەن ءبولىستى. بيىل «بيزنەستىڭ جول كارتاسى -2020» مەملەكەتتىك باعدارلاماسى اياسىندا 1,3 ميلليون تەڭگە بولىنەدى. بۇل قارجى شاعىن جانە ورتا بيزنەستى دامىتۋعا، ينفراقۇرىلىم تارتۋعا باعىتتالادى.
«وتكەن جىلى بارلىعى 21 ميلليارد تەڭگە ءبولىندى. سونىمەن قاتار، ەكىنشى دەڭگەيلى بانكتەر ارقىلى 430 ميلليارد تەڭگە نەسيە بەرىلدى. 2016 -جىلمەن سالىستىرعاندا بيزنەسكە بەرىلگەن نەسيە 58 پايىزعا ارتىپ وتىر. بۇل نەسيە الۋ كاسىپكەرلەرگە ءتيىمدى ەكەنىن بىلدىرەدى. رەسپۋبليكا بويىنشا اقتوبە ۇزدىكتەردىڭ قاتارىنا ەنۋ ءتيىس. دەگەنمەن وبلىستار اراسىندا وتكەن جىلى 9 ورىندا قالدى. بۇل دۇرىس ەمەس. بىزدە جۇمىس ىستەپ تۇرعان بيزنەس سۋبەكتىسىنىڭ سانى ازايدى، سايكەسىندە شىعارىلعان ءونىم قىسقاردى. سالىق ءتۇسىمى تومەندەپ كەتتى. بيزنەستى تەكسەرۋ كوبەيىپ كەتتى. ناتيجەسى جاقسى ەمەس»، - دەدى اقتوبە وبلىسىنىڭ اكىمى بەردىبەك ساپاربايەۆ.
اقتوبەدەگى كورسەتكىشتىڭ تومەندەۋىنە سوتقا ارىزدانۋشى كاسىپكەرلەر سانىنىڭ ارتۋى دا سەبەپ بولدى. سوڭعى جىلى بيزنەس يەلەرىنىڭ ارىزى 15 پايىزعا ارتقان. ولاردىڭ مۇددەسىن وبلىستىق كاسىپكەرلەر پالاتاسى قورعاپ ءجۇر. جيىن كەزىندە وبلىستىق كاسىپكەرلىك باسقارماسىنىڭ باسشىسى انار دارجانوۆا مەملەكەتتىك باعدارلامالاردىڭ دۇرىس ىسكە اسىرىلماۋىنا اۋدان، اۋىل اكىمدەرىنىڭ دە كەرى اسەرى بار ەكەنىن جاسىرمادى.
«كەيبىر اكىمدەر مەملەكەتتىك باعدارلامانىڭ اتاۋىن بىلمەيدى. ولار اتاۋىن بىلمەسە، ماڭىزدىلىعىن تۇسىندىرە المايدى. سوندىقتان اكىمدەرگە «بيزنەستىڭ جول كارتاسى - 2020» مەملەكەتتىك باعدارلاماسى اياسىندا قانداي وزگەرىستەر مەن تولىقتىرۋلار ەنگىزىلگەنى ءتۇسىندىرىلدى. جاڭا مۇمكىندىكتەر مەن مەملەكەتتىك قولداۋ تۋرالى ايتىلدى. ءبىر ايتا كەتەرلىگى، ادامداردىڭ كوبى گرانت الۋعا كۇش سالادى. گرانت تەك بيزنەس جوسپارى بار ادامعا بەرىلەدى. بيىل مەملەكەتتىك باعدارلاما اياسىندا تالىمگەر جاس كاسىپكەردى تاربيەلەيتىن بولادى. ءبىز 60 جوبانى تاڭداپ الىپ، ولارعا تالىمگەر بەرىلەدى. ولار ءۇش كەزەڭنەن وتەدى. سوڭىندا 15 جەڭىمپاز انىقتالىپ، ولارعا وبلىس اكىمىنىڭ 3 ميلليون تەڭگە گرانتىن بۇيىرادى»، - دەدى انار دارجانوۆا.
