سەمەيدە «اباي ارەنا» مادەني جانە ويىن-ساۋىق سپورت كەشەنىنىڭ قۇرىلىسى باستالدى
شىعىس قازاقستان وبلىسىنىڭ اكىمى دانيال احمەتوۆتىڭ جۇمىس ساپارى بارىسىندا «فيرما «ازيا» ج ش س العاشقى قۇرىلىس جۇمىستارىنا كىرىستى.
«اباي ارەنا» سەمەيدە جاڭادان سالىنىپ جاتقان قاراعايلى شاعىن اۋدانىندا بوي كوتەرمەك. جاڭا اۋداننىڭ قاق ورتاسىنا سالىناتىن عيمارات كولەمى جاعىنان دا، ساۋلەتى جاعىنان دا ەرەكشە بولادى دەپ كۇتىلۋدە. مۇندا بۇگىننىڭ وزىندە «بايتەرەك دەۆەلوپمەنت» ا ق جانە «ەرتىس» الەۋمەتتىك- كاسىپكەرلىك كورپوراتسياسىنىڭ تۇرعىن ءۇي باعدارلامالارى بويىنشا سالىنعان كوپقاباتتى بىرنەشە ءۇي پايدالانۋعا بەرىلۋدە. 2018 -جىلدىڭ سوڭىنا دەيىن كوپپاتەرلى تاعى ونشاقتى تۇرعىن ءۇي ىسكە قوسىلاتىنى جوسپارلانۋدا.
«ەگەر قازاقستاندىق ماماندار ۇلگەرمەي جاتسا نەمەسە سمەتا بويىنشا قارجىلارى جەتپەي جاتسا شەتەلدىك كومپانيالاردى تارتىڭدار»، - دەدى وبلىس اكىمى دانيال احمەتوۆ.
اتاپ وتىلگەندەي، ەڭ اۋەلى، قۇرىلىسشىلارعا ارنالعان 200 ورىندىق جاتاقحانا سالىناتىن بولدى. ولار 4 ۋاقىت ىستىق تاماقپەن قامتاماسىز ەتىلمەك.
