قازاقستان اق وليمپيادادان قانشا مەدال الاتىنىن امەريكالىق اتاقتى جۋرنال بولجادى

الماتى. قازاقپارات - شەتەلدىك ەكونوميستەر مەن سپورت جۋرناليستەرى الدا كەلە جاتقان قىسقى وليمپيادا ويىندارىنىڭ قورىتىندىلارى تۋرالى ءوز بولجامدارىن جاريالادى، ونىڭ ىشىندە قازاقستاندىق سپورتشىلاردىڭ دا اتتارى اتالادى، دەپ حابارلايدى «قازاقپارات» ح ا ا ءتىلشىسى.

23 ميلليون اۋديتورياسى بار 1954 -جىلدىڭ تامىزىنان شىعىپ كەلە جاتقان امەريكانىڭ بەدەلدى Sports Illustrated جۋرنالى پحەنچحانداعى وليمپيادادا وتەتىن بارلىق 102 جارىستىڭ بولجامىن جاريالادى.

اتاقتى جۋرنالدىڭ پايىمىنشا، قازاقستاندىق سپورتشىلارعا ەكى مەدال بۇيىرىپ وتىر. فريستايل- موگۋل بويىنشا دميتري رەيحارد - كۇمىس، شاڭعىشى الەكسەي پولتورانين قولا مەدال الاتىنى بولجانۋدا.

ال The Associated Press اگەنتتىگى قازاقستانعا جالعىز قول مەدال «تابىستاپتى». ولار دا دميتري رەيحاردقا سەنىم بىلدىرگەن.

ال گوللانديالىق ەكونوميستەر ەلمەر ستەركەن، دجەرارد كۋپەر جانە فابيان گەيدتىڭ بولجامىندا قازاقستاندىق سپورتشىلاردىڭ ەسىمدەرى مۇلدەم اتالمايدى.

ەستەرىڭىزگە سالا كەتەيىك، وڭتۇستىك كورەيادا وليمپيادا ويىندارى اقپاننىڭ 9-25 ارالىعىندا وتەدى. قازاقستان قۇراماسى سپورتتىڭ 9 تۇرىنەن ەل نامىسىن قورعايتىن بولادى. جالپى، سپورتتىڭ 15 تۇرىنەن 102 مەدال جيىنتىعى ساراپقا سالىنادى.