ستاتيستيكا اگەنتتىنىڭ بۇرىنعى باسشىسى انار مەشىمبايەۆا بوستاندىققا شىقتى

استانا. قازاقپارات - ستاتيستيكا اگەنتتىنىڭ بۇرىنعى باسشىسى انار مەشىمبايەۆا بوستاندىققا شىقتى، دەپ حابارلايدى قازاقپارات ءتىلشىسى ق ر ءى ءى م  قىلمىستىق اتقارۋ جۇيەسى كوميتەتىنىڭ باسپا ءسوز قىزمەتىنە سىلتەمە جاساپ.

«ءيا، ول الماتى وبلىسىنداعى ىلە اۋدانى جاۋعاشتى اۋىلىنا جاقىن لا 155/13 تۇزەۋ مەكەمەسىندە وتىردى. بۇگىن ونى بوساتتى»، - دەدى كوميتەتتىڭ باسپا ءسوز حاتشىسى عالىمجان حاسەنوۆ قازاقپارات تىلشىسىنە بەرگەن سۇحباتىندا.

ايتا كەتەيىك، 2014 -جىلى استانا قالاسىنىڭ ەسىل اۋداندىق سوتىنىڭ شەشىمى بويىنشا ا. مەشىمبايەۆا 7 جىلعا باس بوستاندىعىنان ايىرىلعان بولاتىن. اگەنتتىكتىڭ بۇرىنعى باسشىسى ساناق پاراقشالارىن جاساۋعا بولىنگەن 764,8 ميلليون تەڭگەنى ۇرلاعانى ءۇشىن ايىپتالدى. اپەللياتسيالىق سوت القاسى العاشقى شەشىمدى وزگەرتكەن جوق. سودان ونى بىردەن الماتى وبلىسىنداعى كولونياعا جىبەردى. 2015 -جىلى ول راقىمشىلىققا ءىلىندى. سونىڭ ارقاسىندا ا. مەشىمبايەۆانىڭ جازاسى ەكى جىلعا قىسقارتىلدى.

فوتو: sotreport.kz

اۆتور: ارمان اسقاروۆ