مۇقاعاليدىڭ شىعارماشىلىعىنا ارنالعان كەش وتەدى

استانا. قازاقپارات - 9 - اقپان كۇنى ەلورداداعى «قازاقستان» ورتالىق كونسەرت زالىندا اقىن مۇقاعالي ماقاتايەۆ شىعارماشىلىعىنا ارنالعان «جىرلايدى جۇرەك» اتتى ادەبي- سازدى كەش وتكىزىلەدى، دەپ حابارلايدى «قازاقپارات» ح ا ا ءتىلشىسى.

اقيىق اقىننىڭ كەشىن «قازاقستان» كونسەرت زالىنىڭ كامەرالىق زالىندا وتكىزۋ جوسپارلانىپ وتىر. ق ر مادەنيەت جانە سپورت مينيسترلىگىنىڭ قولداۋىمەن وتەتىن كەشتە «Astana Muzical» تەاترى 1 ساعاتتىق كونسەرت دايىنداۋدا.

«رۋحاني جاڭعىرۋ» باعدارلاماسى مەن «استانانىڭ 20 جىلدىعىن نەگىزگە العان كەشكە ەلىمىزگە تانىمال اقىن- جازۋشىلار، ونەر يەلەرى شاقىرىلىپ وتىر. تەاتر ارتىستەرى اقىننىڭ ولەڭدەرى مەن تولعانىستارىن ورىنداپ، بەلگىلى انشىلەر مۇقاعالي ماقاتايەۆتىڭ سوزىنە جازىلعان اندەردى شىرقايدى.

 اقىننىڭ شىعارماشىلىعىنا ارنالعان كەش 9 - اقپان كۇنى ساعات كەشكى 18:00-دە باستالادى.

اۆتور: ايان بەكەن ۇلى