التىنبەك قورازبايەۆ: تورەعالي مەنى تيىن- تەبەنگە ايىرباستاپ كەتتى

 استانا. قازاقپارات - تاياۋدا عانا قاراپايىم قاراشاعا دورەكەلىگىن كورسەتىپ، ءدۇيىم جۇرتتى ءدۇر سىلكىندىرگەن تورەعالي، ەندى قورازبايەۆتىڭ كوڭىلىن قالدىرعان.

حالىق ءارتىسىنىڭ كونسەرتىنە قاتىسۋى ءتيىس تورەالىنىڭ ۇلى ۋادەسىندە تۇرماي، التىنبەك اعانى الداپ كەتكەن كورىنەدى.

بۇل تۋرالى ن ت ك ارناسىنىڭ «ريەۆيۋ» باعدارلاماسىندا ايتىلدى.

«ورەعاليسىز دا مەنىڭ كونسەرتىم وتكەن. تالاي- تالاي كونسەرتتەرىم وتكەن. ەندى، ول جىگىتتىڭ اكەسى ەكەۋىنىڭ ىستەپ كەتكەنى قياناتتاۋ بولدى كىشكەنە. ءبىر تيىن- تەبەن ءۇشىن مەنى ايىرباستاپ كەتكەنى ءۇشىن مەن ەمەس، مەنىڭ ەلىم كەشىرمەيتىن شىعار ونى»، -  دەيدى قورازبايەۆ.

«ءيا، تورەعالي كەلمەدى» - دەپ التىنبەك قورازبايەۆتىڭ تاۋى شاعىلعان جوق. حالىق ءارتىسىنىڭ 70 جىلدىق مەرەيتويى ابىرويمەن ءوتتى. قاسىندا قوس شاكىرتى توقتار مەن مەيرامبەك بار. ال، بەسبايەۆ ءوز ۇستازىن رەنجىتكەن تورەشپەن جەكە سويلەسىپ، ماسەلەنىڭ انىق- قانىعىن الداعى ۋاقىتتا حابارلاۋعا ۋادە بەردى.

 «ءيا، ەستىدىم! وكىنىشكە وراي كەلە المايتىنىن ءبىلدىرىپتى. كەيىن ەستىگەننەن كەيىن ايتارمىن اڭگىمەسىن»، - دەيدى بەسبايەۆ.

 سازگەردىڭ «سەن بولماساڭ» اتتى ءانىن، مەرەيتويلى كەشتە قىدىرالى مەن قاراقات ورىندادى. جوسپار جۇزىندە تورەعالي مەن ءمولدىر اۋەلبەكوۆا شىرقاۋى ءتيىس ەدى.

«ەندى بىلمەيمىن ارادا نە بولعانىن. كوكە ماعان حابارلاستى دا قازاق كونتسەرتكە كەل دەدى. سول كەزدە تورەعاليمەن «سەن بولماساڭ» ءانىن ايتپايتىن بولدىڭدار دەدى. تورەعاليمەن سويلەسپەگەنىمە ءبىراز بولدى. ويتكەنى ول شەت ەلدە قازىر... تورەعاليدى كورگەن كەزدە وزىنەن سۇرايتىن بولامىن. مىندەتتى تۇردە»، -  دەيدى اۋەلبەكوۆا.

ال، ونەردىڭ ورتا بۋىنى مەن وزگە جاس وكىلدەرى قورازبايەۆ اندەرىنىڭ ومىرشەڭدىگىن جارىس ايتىپ، ونىڭ تالاي حيتمەننىڭ باعىن اشقانىن ەسكە الدى.

«التىنبەك اعانىڭ انىمەن قانشاما ۇرپاق تاربيەلەندى. قانشاما تولقىن وسى اندەردىڭ اۋەنىمەن تەربەلىپ كەلە جاتىر»، - دەيدى جۇبانىش جەكسەن ۇلى.

«التىنبەك قورازبايەۆ اتامىز جايلى ايتاتىن بولساق ءبىر كينو تۇسىرۋگە بولاتىن شىعار»، - دەيدى ەرنار ايدار.

ال تورەعالي ءوزى رەنجىتكەن قورازبايەۆتىڭ اندەرىنە كليپ ءتۇسىرۋدى قولعا العان. ايتا كەتەيىك، وتكەن ايدا تورەعالي مەن ءمولدىردىڭ ورىنداۋىندا «سەن بولماساڭ»، ال كۇنى كەشە «قوشتاسۋدىڭ قيىنى- اي» انىنە تاسپالانعان بەينەبايان حالىققا ۇسىنىلدى. قوس تۋىندىنىڭ دا اۆتورى - التىنبەك قورازبايەۆ.