قازاقستاندا جاسالعان كولىكتى ارنايى نەسيەمەن الۋعا بولادى
دەپ حابارلايدى قازاقپارات قازاقستان دامۋ بانكىنە سىلتەمە جاساپ.
«قازاقستان دامۋ بانكى» ا ق جەڭىلدىكپەن اۆتوكرەديت بەرۋ باعدارلاماسى اياسىندا ۇلتتىق قور قاراجاتىنىڭ 8 ميلليارد تەڭگە بولاتىن ءۇشىنشى ترانشىن ەكىنشى دەڭگەيدەگى بەس بانككە: Halyk Bank، ەۋرازيالىق بانك، «رەسەي جيناق بانكىنىڭ» قازاقستانداعى ەنشىلەس بانكىنە جانە «سەنتركرەديت» بانكىنە 1 ميلليارد 875 ميلليون تەڭگەدەن، ۆ ت ب ەنشىلەس بانكىنە - 500 ميلليون تەڭگەدەن اۋداردى»، - دەلىنگەن «قازاقستان دامۋ بانكى» ا ق قوعاممەن بايلانىس قىزمەتىنىڭ حابارلاماسىندا.
قوعاممەن بايلانىس قىزمەتىنىڭ حابارلاۋىنشا، بانكتىڭ قازاقستاندىقتارعا ەلىمىزدە شىعارىلاتىن جەڭىل اۆتوكولىكتى ساتىپ الۋعا كرەديت بەرۋدىڭ شارتتارى مىناداي: سىياقىنىڭ نومينالدىق مولشەرلەمەسى - جىلىنا 4 پايىزدان شاماسىندا، كرەديت بەرۋ مەرزىمى - 7 جىلدان اسپايدى، قارىز ۆاليۋتاسى - تەڭگە، ءبىر دانا جەڭىل اۆتوكولىكتىڭ قۇنى - 15 ميلليون تەڭگەدەن اسپاۋى كەرەك. باستاپقى جارنانىڭ مولشەرىن كوممەرتسيالىق بانكتەر دەربەس بەلگىلەيدى.
باعدارلاما شەڭبەرىندە قارىز الۋشىلارعا «Kia», «Chevrolet», «Skoda», «Hyundai» جانە ت. ب. اۆتوكولىك برەندتەرىنىڭ 60 مودەلى ۇسىنىلادى، ولار «سارى ارقا اۆتو ونەركاسىپ» ج ش س جانە «ازيا اۆتو» ا ق كاسىپورىندارىندا قۇراستىرىلادى.
قازاقستاندا 2015 -جىلدىڭ ساۋىرىندە باستاۋ العان جەڭىلدىكپەن اۆتوكرەديت بەرۋ باعدارلاماسى 20 جىلعا ەسەپتەلگەن. ينفراقۇرىلىمدىق دامۋدىڭ 2015-2019 -جىلدارعا ارنالعان «نۇرلى جول» مەملەكەتتىك باعدارلاماسى اياسىندا بولىنەتىن ۇلتتىق قور قاراجاتى باعدارلامانى قارجىلاندىرۋ كوزى بولىپ تابىلادى.
بۇعان دەيىن ونى ىسكە اسىرۋعا ۇلتتىق قوردىڭ جالپى سوماسى 26 ميلليارد تەڭگە ەكى ترانشى جىبەرىلگەن بولاتىن، ولاردى ەكىنشى دەڭگەيلى بانكتەر تولىعىمەن يگەرگەن.
جەڭىلدىكپەن اۆتوكرەديت بەرۋ قاراجاتى ەسەبىنەن 10 مىڭعا جۋىق قازاقستاندىق وتاندىق ءوندىرىستىڭ جاڭا اۆتوكولىكتەرىن ساتىپ العان.
اۆتور: ايجان سەرىكجان قىزى
