وليمپيادا ءوتىپ جاتقان پحەنچحانداعى ۆيرۋس: مىڭنان استام ادام جۇمىستان شەتتەتىلدى

استانا. قازاقپارات - 23- قىسقى وليمپيادا ويىندارىندا قۇقىقتىق ءتارتىپتى كۇزەتۋمەن اينالىساتىن جەكە كومپانيانىڭ 1000 نان استام قىزمەتكەرى نوروۆيرۋس سالدارىنان قايتارىلدى، دەپ حابارلايدى AFP اگەنتتىگى.

جەكسەنبى كۇنى شەتتەتىلگەن 1200 كۇزەتشىنىڭ 41ءىنىڭ ءىشى ءوتىپ، قۇسقان. ولار اۋرۋحاناعا جەتكىزىلىپ، كوپشىلىگىنە «نوروۆيرۋس» دەگەن دياگنوز قويىلعان.

نوروۆيرۋس - لاستانعان تاماق پەن سۋ ارقىلى بەرىلەتىن اۋرۋ ءتۇرى.

ويىننىڭ ۇيىمداستىرۋ كوميتەتىنىڭ وكىلى AFP اگەنتتىگىنە 1200 كۇزەتشىنىڭ جۇمىستان شەتتەلۋگە ءماجبۇر بولعاندىعىن جانە ولاردىڭ ورنىنا 900 ساربازدىڭ كەلگەندىگىن حابارلادى.

سوڭعى دەرەك بويىنشا، دەنساۋلىق ساقتاۋ مينيسترلىگى ۆيرۋستىڭ قايدان شىققاندىعىن تەكسەرىپ جاتىر.

اگەنتتىك ەرەكشە اتاپ وتكەندەي، كۇزەت كومپانياسىنىڭ بارلىق قىزمەتكەرلەرى پحەنچحانداعى جاستار ورتالىعىندا، وليمپيادا ويىندارىنا قاتىسۋشىلاردان بولەك تۇرىپ جاتقان.