الماتىدا جول ءجۇرۋ اقىسى قىمباتتاي ما - باسقارما جاۋابى

الماتى. قازاقپارات - الماتىدا قوعامدىق كولىكتەگى جول ءجۇرۋ اقىسى تاسىمالداۋشىلاردىڭ شىعىنىن اقتاماي جاتىر.

بۇل تۋرالى بۇگىن باسپا ءسوز ءماسليحاتىندا قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ ايتتى.

باسقارما باسشىسىنىڭ تاريف - 80 تەڭگە 2012 - جىلدان بەرى وزگەرمەگەن.

«تاسىمالداۋشىلارمەن تىكەلەي جۇمىس جاسايتىن ادام رەتىندە ايتايىن، قازىرگى 80 تەڭگەلىك تاريف ولاردىڭ شىعىنىن اقتاماي وتىر. 2012 - جىلدان بەرى 6 جىل وتكەن. 6 جىلدا اۆتوبۋستاردىڭ بولشەك قۇرالدارى، اۆتوبۋستار قىمباتتادى، جانار-جاعارماي قۇنى ءوستى. جىل سايىن ينفلياتسيا بولىپ جاتىر. سوندىقتان، جول اقىسىن قىمباتتاتۋ ماسەلەسى قازىر تالقىلاۋدا»، - دەدى ماقسۇت يساحوۆ.

ونىڭ ايتۋىنشا، 2012 - جىلدان بەرى قازاقستاننىڭ 6 قالاسىندا جول اقىسى 3 رەت كوتەرىلگەن. الماتى تاريف كوتەرىلمەگەن - جالعىز قالا.

جولاقىسىن قىمباتتاتۋ تۋرالى قاۋلى شىعۋىنا 2 ايداي ۋاقىت كەتەدى.

ەڭ الدىمەن ءماسليحاتقا ۇسىنىس بەرىلمەس بۇرىن بۇل ماسەلە قوعامدىق كەڭەس تالقىسىنا ءتۇسۋى ءتيىس. ودان كەيىن قالالىق كاسىپكەرلەر پالاتاسىندا كەڭەستەن وتەدى.

«بۇل شەشىم ءالى قابىلدانعان جوق. قاراستىرىلۋ ۇستىندە. ءتىپتى ءدال قازىر قابىلدانعاننىڭ وزىندە قاۋلى شىعىپ، قولدانىسقا ەنۋىنە بىرنەشە اي ۋاقىت وتەدى»، - دەدى م. يساحوۆ.