شىعىس قازاقستاندا اۋىل اكىمدەرى «پارتاعا» قايتا وتىردى - فوتو
شىعىس قازاقستاننىڭ 100 اۋىلدىق وكرۋگى جاڭا جىلدان باستاپ دەربەس بيۋدجەت العان بولاتىن. ءدال وسى وكرۋگتەردىڭ اكىمدەرى وسكەمەندە كەزەڭ- كەزەڭمەن بىلىكتىلىكتەرىن شىڭداۋعا كىرىسىپ كەتتى. ءبىرىنشى كەزەكپەن كەلگەن 50 اكىمگە العاشقى ءدارىستى وبلىس اكىمى دانيال احمەتوۆ وقىدى.
ءدارىس ەلىمىزدە جۇرگىزىلىپ جاتقان رەفورمالاردىڭ ماڭىزىن، بيۋدجەتتى قۇرۋ، بەكىتۋ جانە ورىنداۋ سياقتى اۋقىمدى تاقىرىپتاردى قامتىدى قامتىدى.
«بيىل دەربەس بيۋدجەت الدىڭىزدار. ەندى اۋىلداستارىڭىزدىڭ الەۋمەتتىك- ەكونوميكالىق ماسەلەلەرىن مەملەكەتىك مەنەدجەر رەتىندە سىزدەر شەشەسىزدەر. بىلىكتىلىكتەرىڭىزدى ارتتىرۋ ءۇشىن ارنايى باعدارلاما جاسادىق. وڭىرلىك باسقارما باسشىلارى دا سىزدەرمەن جۇمىس جاسايدى. سولار دايىنداپ بەرگەن ءىس- ارەكەت الگوريتمى بويىنشا جۇمىس ىستەيتىن بولاسىزدار»، - دەدى دانيال احمەتوۆ.
ش ق و اكىمى باسپا ءسوز قىزمەتىنىڭ حابارلاۋىنشا، سەمينار ءتورت بولىمنەن تۇرادى. ءبىرىنشى كەزەڭدە اۋىل اكىمدەرى قازاقستاننىڭ تاريحي دامۋى مەن قالىپتاسۋىنداعى مەملەكەتتىك ۇردىستەرمەن تانسپاق. ەكىنشى ءبولىم مەملەكەتتىك جوسپارلاۋ مەن ۇكىمەتتىك باعدارلامالاردى ورىنداۋ تاسىلدەرىن قامتيدى. قالعان ەكى بولىمدە اكىمدەر مەملەكەتتىك قولداۋ مەن كوممۋنالدىق مەنشىكتى باسقارۋ مەحانيزمىن ۇيرەنەدى.
