الەمدەگى ەڭ قىمبات ءدارى ساتىلىمعا شىقتى

استانا. قازاقپارات - ا ق ش- تا الەمدەگى ەڭ قىمبات ءدارى ساتىلىمعا شىعارىلدى. Luxturna دەپ اتالاتىن پرەپاراتتىڭ باعاسى 850 مىڭ دوللارعا تەڭ، دەپ حابارلايدى ازەرتادج.

ءدارىنى فيلادەلفيادا ورنالاسقان گەندىك تەراپيا سالاسىنداعى Spark Therapeutics فارماتسەۆتيكالىق كومپانياسى شىعاراتىن بولادى. 2017 -جىلدىڭ جەلتوقسانىندا ا ق ش- تىڭ ونىمدەر جانە ءدارى- دارمەكتەر باسقارماسى (FDA) Luxturna پرەپاراتىنىڭ كوزدىڭ ىشكى تور قابىعىنىڭ سيرەك كەزدەسەتىن تۇقىم قۋالايتىن اۋرۋى - لەبەر اماۆروزىن ەمدەيتىن قاسيەتىن راستادى. پرەپارات گەندىك موديفيكاتسيالانعان ۆيرۋستىڭ كومەگىمەن كوزدىڭ ىشكى تور قابىعىنىڭ جاسۋشالارىن دۇرىستاپ، كورۋ قابىلەتىن قالپىنا كەلتىرۋگە جاردەمدەسەدى.

ۆيرۋس 45 مينۋتقا سوزىلاتىن وتا ارقىلى تىكەلەي كوز الماسىنا ەنگىزىلەدى. پرەپاراتتى ءبىر رەت قابىلداۋدىڭ ءوزى جەتكىلىكتى.

اتاپ وتىلگەندەي، ا ق ش- تا بۇل دياگنوزبەن ەكى مىڭعا جۋىق ادام ءومىر سۇرەدى.