ريو- دە- جانەيروداعى ءداستۇرلى كارناۆالعا دايىندىق باستالدى
سالتاناتتى شارا وتەتىن ارنايى ورىندا بيشىلەر مەن دابىل قاعۋشىلار جينالدى. ءبىراق بيىل شاھارداعى كەي سامبا بي مەكتەپتەرى قارجى تاپشىلىعىنان سايىسقا قاتىسا المايدى. سەبەبى ءبىر مەكتەپتىڭ وزىنە كارناۆالدا ونەر كورسەتۋى ءۇشىن بىرنەشە ميلليون دوللار كەرەك. ويتكەنى ءارقايسىسى ءتول قويىلىمى ءۇشىن مىڭنان استام ادامدى تارتۋى مۇمكىن.
ال بيىل كارناۆال قاۋىپسىزدىگىن قامتاماسىز ەتۋ ءۇشىن اسكەريلەر جۇمىلدىرىلادى. شاھار بيلىگى بۇنى الەمگە ايگىلى شارانىڭ وقىس وقيعاسىز ءوتۋى ءۇشىن قاجەت ەكەنىن ايتادى. سونداي-اق ۇيىمداستىرۋشىلار بيىلعى كارناۆالدى كورۋگە 6 ميلليوننان استام ادام كەلەدى دەپ جوسپارلاپ وتىر.
«كەيبىر سامبا مەكتەپتەرىنىڭ قارجى تاپشىلىعىنان دايىندىققا كەلىپ قاتىسا الماۋى وتە وكىنىشتى. ولار ەندى شارا وتەتىن ارنايى ورىنعا كەلىپ جاتتىعۋدىڭ ورنىنا ءوز عيماراتتارىندا دايىندالۋعا ءماجبۇر»، - دەدى جەرگىلىكتى تۇرعىنداردىڭ ءبىرى ليۋچيا بريتو.
